O IIS Galicia Sur acaba de poñer a punto o novo equipamento incorporado ás plataformas de Xenómica e Bioloxía Celular. Trátase dunha PCR Dixital (Droplet Digital PCR), técnica punteira que permite a detección e cuantificación precisa de cantidades mínimas de moléculas de ADN ou ARN en mostras moi heteroxéneas ou complexas (e, incluso, degradadas). É una tecnoloxía de uso multidisciplinar que abrangue un amplo abanico de aplicacións: estudos de biopsia líquida, análises de alteracións xenéticas, coñecer con precisión a efectividade dun fármaco, descartar a presencia de bacterias e virus, realizar tests microbiolóxicos para a industria agraria ou estudos de potabilidade da auga, entre outros. A responsable da Unidade de Xenómica, Irene Viéitez, e a investigadora que coordinou a proposta de éxito para obter o financiamento do equipamento, Eva Poveda (Grupo de Viroloxía e Patoxénese), explican nesta noticia o funcionamento e aplicacións da nova técnica.
Joaquín Cubiella premiado por Redacción Médica coma un dos mellores médicos de Galicia
Publicado por Admin en Actualidad, Noticias_portada
O Dr. Joaquín Cubiella, gastroenterólogo do CHU de Ourense e líder do Grupo de Oncoloxía Dixestiva do IIS Galicia Sur recibiu a semana pasada o galardón que entrega o periódico, na categoría de médico, na IV Edición de los Premios á Sanidade de Galicia. Estes premios teñen o obxectivo de recoñecer as iniciativas de maior interese, as mellores prácticas e as traxectorias mais destacadas do sector en Galicia.
«Los médicos de Ourense tenemos que creer, aquí se pueden hacer cosas brillantes»
Alumnos de Bacharelato do Instituto Politécnico de Vigo visitan o IIS Galicia Sur
Publicado por Admin en Actualidad, Noticias_portada
Estudantes de Bacharelato do Instituto Politécnico de Vigo realizaron unha visita ás instalacións do Instituto de Investigación Sanitaria Galicia Sur. Foron case setenta os alumnos, de dúas clases diferentes do mencionado centro, os que percorreron, guiados por distintos investigadores, a maioría das dependencias, tecnolóxicas e científicas das que consta a sede central do IIS Galicia Sur.
As investigadoras Susana Teijeira e Saida Ortolano encargáronse de coordinar a visita e contaron coa axuda dos científicos que desenvolven a súa labor en cada área na que estiveron os alumnos: Irene Viéitez, Eva Poveda, Carlos Spuch, Vanesa Val, Olga Souto, Clara Póvoa, Roberto Agís e César Veiga.
Esta actividade enmárcase nas tarefas de divulgación a estudantes que leva a cabo o Instituto.
11-febreiro Día Internacional da Muller na Ciencia: entrevista a Eva Poveda (Grupo Viroloxía y Patoxénese)
Publicado por Admin en Actualidad, Noticias_portada
Hoxe é o Día Internacional da Muller e a Nena na Ciencia e a nosa investigadora Eva Poveda, líder do Grupo de Viroloxía e Patoxénese, concedeu esta entrevista na que nos fala sobre a súa traxectoria profesional e nos comenta a importancia de visibilizar o papel da muller na ciencia e promover a súa posición de liderado.
Arranca o proxecto europeo PERSIST: IA e Big Data para mellorar a atención dos superviventes de cancro
Publicado por Admin en Actualidad, Noticias_portada

O proxecto PERSIST, no que participan SERGAS e Fundación Biomédica Galicia Sur, celebrou recentemente a súa reunión de lanzamento, que tivo lugar nas instalacións de Gradiant. O encontro, no que participaron 40 expertos europeos, permitirá ao consorcio establecer os primeiros pasos sobre os puntos clave a investigar para coñecer en profundidade os problemas que se atopan os pacientes que sobreviven ao cancro de mama e colorrectal.
PERSIST combinará a intelixencia artificial e o Big Data para mellorar a atención dos pacientes superviventes de cancro. Para isto contará cos coñecementos e experiencia dun consorcio formado por entidades de España, Italia, Austria, Bulgaria, Eslovenia, Letonia, Suiza, Portugal, Bélxica e Turquía para o desenvolvemento dunha plataforma innovadora que apoie a toma de decisións médicas e mellore la atención aos superviventes. Está financiando pola Unión Europea con mais de 5 millóns de euros no marco do programa Horizonte 2020, dos que España recibirá o 35% do financiamento total.
Dentro dos socios españois que forman parte do proxecto, o Servizo de Oncoloxía do Complexo Hospitalario Universitario de Ourense – SERGAS é o único centro que incluirá pacientes no estudio a nivel nacional. Participan en PERSIST os investigadores Mercedes Salgado, Jesús García Mata, Jesús García Gómez, oncológos do CHU de Ourense e integrantes do grupo Oncoloxía Dixestiva e os membros da Unidade de Metodoloxía do IIS Galicia Sur, Ángel Salgado Barreira, Cristina Martínez Reglero e Emilia Balboa Beltrán.
As nosas investigadoras e investigadores nos medios: Joaquín Casal, Grupo Oncoloxía Translacional «Día Mundial contra o Cancro»
Publicado por Admin en Actualidad, Noticias_portada
Con motivo do Dia Mundial contra o Cancro, compartimos esta noticia do Dr. Joaquín Casal, xefe do servizo de Oncoloxía do CHU de Vigo e responsable do Grupo de Oncoloxía Translacional do IIS Galicia Sur.
Unha tese doutoral do Grupo NeumoVigo I+i estuda os factores sociosanitarios relacionados coas hospitalizacións por EPOC
Publicado por Admin en Actualidad, Noticias_portada
A tese presentada por Sara Fernández García (Grupo NeumoVigo I+I) enmárcase no proxecto SocioEPOC, financiado polo Instituto de Salud Carlos III, e estuda a enfermidade pulmonar obstrutiva crónica dende unha nova e innovadora perspectiva, xa que ten en conta os factores sociosanitarios e como estes poderían utilizarse para predicir eventos como hospitalizacións prolongadas, reingresos ou mortalidade. Trátase dun aspecto escasamente estudado ata a data, especialmente en combinación cunha perspectiva de xénero.
A enfermidade pulmonar obstrutiva crónica é unha enfermidade que presenta frecuentes agudizacións que producen un deterioro significativo do estado de saúde, aumentan o risco de morte e xeran unha forte demanda asistencial. O estudo plantea a hipótese de que a situación social dos pacientes con EPOC que padecen agudizacións graves é desfavorable e que existen diferenzas en función do xénero. Tamén, que as variables sociais (recursos, vivenda, contorna, sobrecarga do coidador, dependencia, risco de exclusión), de forma combinada cos factores clínicos, poden predicir mellor a estancia hospitalaria, e a posibilidade de novos ingresos e incluso de falecemento.
O Grupo de Patoloxía Dixestiva organiza unha xornada sobre os aspectos psicolóxicos dos pacientes con enfermidade inflamatoria intestinal
Publicado por Admin en Actualidad, Noticias_portada

O Servizo de Dixestivo do CHU de Vigo organizou unha xornada de debate sobre os aspectos psicolóxicos dos pacientes con Enfermidade Inflamatoria Intestinal (EII). Un acto dirixido sobre todo aos propios enfermos no que se abordou a importancia da expresión emocional do paciente, unha vez que é diagnosticado con algunha destas enfermidades.
Na xornada colaboraron a Unidade de EII do servizo de Aparello Dixestivo e a Unidade de Interconsulta e Enlace do servizo de Psiquiatría. Ademais de profesionais do CHUVI e do IIS Galicia Sur, asistiron máis de 40 persoas, entre elas, representantes da Asociación de Enfermos de Crohn e Colite Ulcerosa (ACCU) e da Escola Galega de Saúde para cidadáns do Sergas.
Os especialistas coincidiron en que o factor psicolóxico do enfermo é un elemento de suma importancia á hora de encarar este tipo de patoloxías. Este aspecto cobra unha maior transcendencia nun momento en que aumenta a prevaleza deste tipo de enfermidades e con pacientes cada vez máis novos, coa carga emocional que iso implica.
O doutor Vicent Hernández, gastroenterólogo e investigador responsable do Grupo de Patoloxía Dixestiva do IIS Galicia Sur que coordinou a xornada, afirmou que “o contacto cos pacientes fóra das consultas é moi diferente e enriquecedor, as súas inquietudes xeran novas ideas e propostas de mellora da asistencia que prestamos”.
El proxecto BREOGÁN reconocido por la asociación SAVE THE MAMA
Publicado por Admin en Actualidad, Noticias_portada
El proxecto BREOGÁN reconocido por la asociación SAVE THE MAMA
El proyecto presentado por el equipo de Esteban Castelao, uno de los fundadores de BREOGAN junto a la Dra Manuela Gago Dominguez, ha resultado seleccionado por la comunidad save the mama como destinatario de una de las donaciones de la asociación. La ayuda recibida permitirá reforzar la investigación de marcadores genéticos de diagnóstico para el cáncer de mama. Las investigadoras Sara Miranda y Carmen Redondo forman parte del equipo dirigido por Castelao y Victor Muñoz que presentó la propuesta y que se integra en el Grupo de Investigación sobre Oncología Genética, Radiobiología y Radiointeracción del Instituto de Investigación Sanitaria Galicia Sur.
O Hospital Montecelo, pioneiro en España na aplicación de células nai para tratar a enfermidade de Crohn
Publicado por Admin en Actualidad, Noticias_portada

O Hospital Montecelo do CHU de Pontevedra completou con éxito e por primeira vez en España a operación cirúrxica con terapia de células nai nun paciente con enfermidade de Crohn. Así, a Área sanitaria de Pontevedra e O Salnés asume un papel de liderado nacional en la aplicación cirúrxica destas células no tratamento dalgúns tipos de fístulas perianais complexas —unha complicación específica debilitante desta doenza— de pacientes con Crohn sen outra alternativa de tratamento.
O Dr. Juan Turnes, xefe do servizo de Dixestivo e responsable do Grupo de Hepatoloxía e Enfermidades Inflamatorias Intestinais del IIS Galicia Sur describíao coma “un momento moi feliz, que culmina tras sete anos de traballo”.
O proxecto sanitario e investigador é froito do traballo interdisciplinar desde xuño de 2012 entre os servizos de Aparello Dixestivo, Cirurxía Xeral e Dixestiva, Farmacia e Radiodiagnóstico do Complexo Hospitalario Universitario de Pontevedra, en colaboración coa compañía biofarmacéutica xaponesa Takeda, que asinou un acordo de risco compartido co Ministerio de Sanidade para financiar a aplicación desta terapia celular no Sistema Nacional de Saúde.
Segundo sinalan dende o servizo de Aparello Dixestivo do CHU de Pontevedr, este foi un dos primeiros servizos de España e o único de Galicia autorizado técnicamente para efectuar dende 2012 os ensaios clínicos ADMIRE CD e ADMIRE CD II. Así, de 11 pacientes con esta doenza incluídos de xeito pioneiro neses ensaios con células nai na área sanitaria, en cinco casos o tratamento foi eficaz, en tres foi efectivo parcialmente e os tres pacientes restantes continúan en seguimento de tratamento.
Visita nuestras redes sociales