GRUPO MICROBIOLOXÍA E INFECTOLOXÍA Archivos - Fundación Biomédica Galicia Sur

Benito Regueiro realiza unha perfecta disección do funcionamento e evolución do Covid 19

Publicado por Admin en Actualidad, Noticias_portada, Uncategorized

• O responsable do Grupo de Microbioloxía e Infectoloxía do IIS Galicia Sur cualifica ao virus como unha “máquina molecular extraordinaria”
• Como xefe do servizo de Microbioloxía da Área Sanitaria de Vigo traballa co virus desde que se coñeceron os primeiros datos da pandemia

Benito Regueiro, responsable do Grupo de Microbioloxía e Infectoloxía do IIS Galicia Sur e xefe do servizo de Microbioloxía da Área Sanitaria de Vigo é un dos principais científicos de Galicia na investigación relacionada co COVID 19. Está considerado, ademais como un dos expertos nacionais na materia.

Nunha entrevista publicada recentemente, Benito Regueiro realiza unha perfecta disección do funcionamento e da evolución do virus primitivo e de como este se foi adaptando ás diferentes barreiras que a poboación mundial adoptou para evitar a súa propagación: confinamentos, restricións, uso de máscaras ou vacinas. Non en balde, leva investigando sobre o Covid 19 desde que se tiveron as primeiras noticias da súa existencia a nivel mundial.

Regueiro define ao SarsCov2 como unha “máquina molecular extraordinaria” pola capacidade de mutación que ten para sortear a acción dos humanos para evitar os contagios.

Frases como “o virus ten unha habilidade tremenda de recombinación e sáltase as limitacións que lle impón a xenética evolutiva” ou “as combinacións de mutacións que pode establecer son superiores ao número de átomos do universo”, poñen de relevo o gran interese que ten a entrevista e o coñecemento que desenvolveu Benito Regueiro sobre este virus.

VER NOTICIA

Nov19

Microbiólogos advirten do aumento da resistencia das bacterias aos antibióticos

Publicado por Admin en Actualidad, Noticias_portada, Uncategorized

• Consideran que é un proceso que leva fraguándose desde hai décadas e que a solución é a investigación en novos fármacos
• Maximiliano Álvarez, do IIS Galicia Sur, afirma que as bacterias poden cambiar nunha xeración ata o 40% do seu ADN

Os microbiólogos advirten do aumento da resistencia das bacterias aos antibióticos convencionais. Nunha reportaxe recentemente publicada deixan patente a importancia do desenvolvemento da investigación en novos medicamentos para a loita antibacteriana. Consideran que esa resistencia das bacterias é un proceso que leva fraguando desde hai décadas a nivel mundial.

Maximiliano Álvarez, do Grupo de Microbioloxía e Infectoloxía del IIS Galicia Sur afirma que “as bacterias poden cambiar nunha xeración ata un 40% do seu ADN”. Unha circunstancia que complica a acción dos antibióticos e que esixe que se fagan esforzos para atopar novos fármacos, aínda que recoñecen que é un proceso longo, complicado e custoso.

Seguir Lendo

Nov07

Unha investigación do IIS Galicia Sur busca coñecer canto tempo protexen as vacinas contra a COVID-19

Publicado por Admin en Actualidad, Noticias_portada

• Microbiólogos da Área Sanitaria de Vigo realizan o traballo con mostras obtidas doutros profesionais sanitarios
• Consideran que o ideal sería dispoñer dun método para saber exactamente cando unha persoa deixa de ser inmune ao virus

Unha investigación do IIS Galicia Sur busca coñecer canto tempo protexen as vacinas contra o COVID-19. Un estudo que persegue como obxectivo último comprobar que tipo de pautas deberán seguirse no futuro para loitar contra o virus mediante o sistema vacunal.

O traballo corre a cargo de microbiólogos da Área Sanitaria de Vigo, dirixidos polo xefe do servizo e responsable do Grupo de Microbioloxía e Infectoloxía, Benito Regueiro. “Na actualidade non dispoñemos, por exemplo, dun sistema que permita saber a través de distintos parámetros a capacidade de cada individuo para neutralizar o virus”, explica.

Seguir Lendo

Oct22

Microbioloxía redeseñase para secuenciar posibles variantes do coronavirus

Publicado por Admin en Actualidad, Noticias_portada

• O grupo de Micobioloxía e Infectoloxía do IIS Galicia Sur mantén unha estreita vixilancia para saber cales están en circulación en cada momento
• O obxectivo é detectar a tempo calquera cambio e estar preparados para dar unha resposta o máis inmediata posible

O Grupo de Microbioloxía e Infectoloxía do IIS Galicia Sur mantén activa a vixilancia sobre as posibles variantes do coronavirus que poidan xurdir no futuro a curto e medio prazo. Así o explica nun artigo xornalístico o xefe do servizo de Microbiología da área Sanitaria de Vigo e responsable do grupo de investigación, Benito Regueiro.

A investigación no grupo e o traballo no servizo están en proceso de redeseño para adecuarse ás novas necesidades, unha vez que a incidencia da pandemia reduciuse considerablemente.

O obxectivo é agora, e o será nos próximos meses, secuenciar as posibles variantes ou mutacións que poida ter o virus. Detectar a tempo calquera cambio que se produza e estar en condicións de dar unha resposta o máis rápida e áxil que se poida.

Para iso é imprescindible, en palabras de Benito Regueiro, saber como muta o virus e se aparecen variantes que poidan sortear a protección das vacinas.

VER NOTICIA

Sep30

Microbioloxía do IIS Galicia Sur segue alerta ante posibles mutacións do COVID-19

Publicado por Admin en Actualidad, Noticias_portada

• O grupo de investigación que dirixe o doutor Benito Regueiro realiza controis exhaustivos sobre a evolución do virus
• Ademais das xa coñecidas, a vixilancia esténdese a outras novas, como a “mu”, seguindo as recomendacións da OMS

O Grupo de Microbioloxía e Infectoloxía do IIS Galicia Sur segue alerta ante as evolucións e posibles mutacións do COVID-19. Ademais das variantes xa coñecidas, o seguimento esténdese a outras novas, como a “mu”, que apareceu en Colombia e cuxa vixilancia estreita foi solicitada por la Organización Mundial de la Salud (OMS).

O xefe do servizo de Microbioloxía da Área Sanitaria de Vigo e responsable deste grupo de investigación, o doutor Benito Regueiro, considera que esta variante proporciónalle ao virus unha nova opción de aprendizaxe para tentar facer fronte ás vacinas. Ata o de agora identificáronse na área de Vigo 35 dos 56 casos COVID que teñen esa mutación.

“Cada día o virus sorpréndenos máis”, afirma do doutor Regueiro, que puntualiza: “Canto máis se lle coñece, máis se explica a forma que ten de comportarse”. Un virus que se adapta a circunstancias cambiantes da súa contorna, como son as vacinas.

Nese sentido, unha vez concluída a quinta onda, haberá máis, pero serán “ondas catarrales”, segundo a definición de Benito Regueiro. Unha situación epidemiolóxica que se dará en Galicia, onde xa esta vacinada o 90% da poboación, fronte a un 34% de persoas inmunizadas a nivel mundial.

VER NOTICIA

Sep17

A investigación INMOD sobre a COVID-19 ultima a presentación de resultados para finais de año

Publicado por Admin en Actualidad, Noticias_portada

• O grupo de Micobioloxía e Infectoloxía do IIS Galicia Sur analiza as mostras conseguidas nun centenar de pacientes leves ou asintomáticos
• O obxectivo do estudo é coñecer canto tempo tardan estes pacientes en eliminar o virus e o grao de inmunidade que teñen

O Grupo de Microbioloxía e Infectoloxía do IIS Galicia Sur ultima a investigación INMOD sobre determinados pacientes de COVID-19. Os resultados dos traballos poderían estar listos a finais deste ano e servirán como base para futuras actuacións. O proxecto INMOD é posible grazas á axuda obtida da Axencia Galega para o Coñecemento en Saúde (ACIS).

O equipo centrou a investigación en pacientes infectados polo virus, pero que foron asintomáticos ou tiveron síntomas leves durante a enfermidade e que estaban sen vacinar. Traballar con este tipo de pacientes, que pasaron a infección nos seus domicilios, supuxo unha dificultade engadida para o equipo, xa que debían desprazarse ata as vivendas dos enfermos para obter as distintas mostras e realizar o seguimento da súa evolución.

Os integrantes do grupo de investigación, dirixido polo xefe de Microbioloxía, Benito Regueiro, e polos microbiólogos Xurxo Cabrera y Sonia Pérez, lograron contar con mostras dun centenar de pacientes que cumprían cos requisitos fixados para o estudo.

O obxectivo final do traballo consistiu en analizar canto tempo tardaba cada un dos pacientes en eliminar o virus do seu organismo así como comprobar a inmunidade adquirida e a duración da mesma. As conclusións do estudo servirán para a planificación de futuras actuacións así como para tentar cultivar os virus, que sirvan para posteriores investigacións.

VER NOTICIA

Mar23

A importancia do Pooling: 700 casos de Covid detectados e referente para a OMS

Publicado por Admin en Actualidad, Noticias_portada

O balance non pode ser máis importante. E chea de orgullo e satisfacción polo traballo ben feito a todos cuantos participan no proxecto Pooling para detección de casos de de o SarsCov-2 na poboación.

O xefe do servizo de Microbiología da área Sanitaria de Vigo, Benito Regueiro, responsable do Pooling, considera que desde que comezou a funcionar de maneira asidua, a finais do verán pasado, as técnicas e os equipamentos permitiron detectar uns 700 casos de Covid-19 en empresas da contorna de Vigo e en distintos colectivos sociosanitarios de Galicia.

Os datos, a forma de funcionar, a implantación dun sistema pioneiro de traballo para a detección do virus son algúns dos factores que inflúen en que esta técnica de detección mediante saliva e agrupamento de mostras, ademais de pioneira en España, estea considerada como un referente pola Organización Mundial da Saúde.

Cribados

A pesar diso, Benito Regueiro móstrase preocupado pola circunstancia actual, na que se observa unha participación á baixa nas probas de cribado masivo da poboación. “Iso pode provocar que volvan proliferar os contagios”, comenta.

Ao mesmo tempo, pon de relevo que o virus aínda non se enfrontou de forma directa coas vacinas e atisba que nese momento, o seu comportamento cambiará, polo que recomenda estar moi atentos e non baixar a garda coas medidas de protección.

VER NOTICIA

Mar09

A incuestionable progresión das técnicas para detectar o virus

Publicado por Admin en Actualidad, Noticias_portada

Un ano despois do inicio da pandemia, parece incuestionable a evolución das técnicas para detectar as posibles infeccións por coronavirus. Un dato é clarificador: na Área Sanitaria de Vigo facíanse hai exactamente un ano algo máis dunha trintena de PCR; hoxe fanse miles delas nun só día.

Un proceso de detección no que tivo un papel fundamental o desenvolvemento das técnicas propostas polo servizo de Microbioloxía da Área Sanitaria e na que a posibilidade de investigación que brinda o IIS Galicia Sur foi decisiva a través da súa estrutura de xestión e do Grupo de Microbioloxía e Infectoloxía.

Un dos elementos máis revolucionarios foi a posta en marcha do Proxecto Pooling, que se realiza no Instituto, nun laboratorio destinado para o efecto. A súa actividade supuxo a posibilidade de realizar probas agrupadas ( pooles) de detección do virus. Este proceso supuxo un antes e un despois na realización de probas para detectar o virus.

Seguir Lendo

Feb19

A investigación sobre covid abre novos campos en microbioloxía

Publicado por Admin en Actualidad, Noticias_portada

A investigación sobre a Covid-19 que leva a cabo por profesionais de distintos servizos está a abrir portas a outros campos que ata o de agora non se exploraron. O caso máis concreto é o derivado do Proxecto Pooling, que se realiza no IIS Galicia Sur.

O Servizo de Microbioloxía, do que depende o Pooling e que dirixe Benito Regueiro, é sen dúbida un dos que está a ampliar o seu horizonte en canto á investigación. Non se trata soamente de recoller e analizar as mostras de saliva. Como explica nesta reportaxe de recente publicación o microbiólogo Xurxo Cabrera (un dos responsables do proxecto) un dos retos que ten por diante é a vixilancia experimental e práctica da resposta inmune que produce a vacina na poboación que vai recibindo as súas doses.

Outro dos avances nos que se traballa é a secuenciación masiva, na que o servizo xa destaca a nivel nacional. Unha posibilidade que se abriu por mor da Covid-19, pero para a que xa había un traballo de base previo, tal como recoñece, no mesmo reportaxe, a tamén microbióloga, Sonia Pérez.

En palabras do doutor Cabrera, “antes a poboación non sabía nin sequera onde estabamos e desde que comezou isto comprobouse que somos unha parte moi importante de todo o relacionado coa investigación e coa saúde pública”.

Os resultados dos grandes esforzos que se realizan na actualidade comezan xa a verse e serán moito máis visibles no futuro.

VER REPORTAJE

Feb18

O IIS Galicia Sur, na vangarda da investigación de COVID-19

Publicado por Admin en Actualidad, Noticias_portada

O Instituto de Investigación Sanitaria Galicia Sur está á vangarda das investigacións sobre a Covid-19, como o demostran os importantes proxectos que teñen en marcha os distintos grupos interdisciplinares de investigación. Uns proxectos que espertan gran interese, tanto nos medios de comunicación como na comunidade científica nacional.

Algúns dos estudos máis relevantes foron obxecto dunha reportaxe recente. Entre eles, o que leva a cabo o grupo NeumoVigo I+i, liderado polo xefe de servizo de Pneumoloxía, Alberto Fernández Villar, sobre as secuelas pulmonares nos pacientes que xa pasaron a enfermidade

Outro dos estudos significativos é o que lideran o xefe de servizo de Medicina Interna, Manuel Crespo (grupo de Enfermidades Infecciosas), en colaboración coa xefa de servizo de Hematoloxía, Carmen Albo, sobre os tratamentos para o virus a base de plasma de pacientes que xa tiveron a enfermidade.

O grupo de Microbiología e Infectología, que lidera Benito Regueiro, tamén ten en fase de desenvolvemento, entre outros, un proxecto para comprobar o comportamento do virus mediante o seguimento de pacientes que deron positivo en Covid-19.

Ademais, o IIS Galicia Sur leva a cabo un dos proxectos de investigación que recibiu financiamento do FONDO- COVID19 do Instituto de Salud Carlos III, a cuxo fronte está Eva Poveda, do grupo de Viroloxía e Patoxénesis, que trata da “Creación de la Cohorte de pacientes Covid-19 y muestras asociadas a Biobanco del IISGS”.

VER REPORTAJE

Tag: GRUPO MICROBIOLOXÍA E INFECTOLOXÍA

Visita nuestras redes sociales