Tag: GRUPO I-SAÚDE

  1. Home
  2. Tag: GRUPO I-SAÚDE
May25

Premiado un estudo sobre a detección precoz na Atención Primaria de problemas emocionais na mocidade

Publicado por en Actualidad

Premiado un estudo sobre a detección precoz na Atención Primaria de problemas emocionais na mocidade

Os grupos participantes no acto de presentación e entrega de premios no Hospital Álvaro Cunqueiro

 

• Os Premios de Investigación en Atención Primaria e Comunitaria están organizados  pola Unidade Docente da área Sanitaria de Vigo e o grupo de investigación en Servizos de Saúde (I-Saúde), do IISGS

• O traballo realizado pola EIR Inés Alonso, do centro de Saúde de Mos, alerta da necesidade de tomar certos comportamentos e actitudes como evidencia de problemas emocionais que poden derivar noutras patoloxías

• O accésit tamén o levou un estudo realizado por tres EIR para medir a eficacia do Programa TELEA en persoas con hipertensión

Vigo, 25 de maio de 2023. A identificación precoz en Atención Primaria de signos que alerten da presenza de problemas emocionais e conductuales na mocidade, a procura de recursos para o seu tratamento e a difusión á poboación e a contorna educativa da existencia de síntomas que permitan identificar esta situación é o obxectivo esencial do traballo realizado pola residente de Enfermería Familiar e Comunitaria de segundo ano no Centro de Saúde de Mos, Inés Alonso González, e que lle valeu facerse co primeiro premio da VII Edición de Premios de Investigación en Atención Primaria e Comunitaria.

Este evento, no que participan residentes de Atención Primaria, tanto médicos como enfermería, está organizado pola Unidade Docente da área Sanitaria de Vigo e o grupo de investigación en Servizos de Saúde (I-Saúde), do Instituto de Investigación Sanitaria Galicia Sur. No acto de presentación e entrega de premios, que presidiu o xerente da área Sanitaria de Vigo, Javier Puente, acompañado da directora Científica do IIS Galicia Sur, Eva Poveda; foi o marco no que a gañadora presentou o seu traballo, titulado: Xestión emocional na adolescencia, no que elaborou unha análise sobre unha poboación de 184 mozas e mozos mosenses, para o que contou coa colaboración do IES de Mos.

(more…)



Apr25

O IIS Galicia Sur participa no proxecto europeo TRANSiTION de mellora das habilidades dixitais para o tratamento do cancro

Publicado por en Uncategorized

• O programa permitirá a adquisición de competencias dixitais para as necesidades actuais e futuras derivadas da integración de novas solucións no tratamento do cancro

• O orzamento total é de 2,3 millóns de euros achegados pola Comisión Europea mediante o Programa EU4 Health

• A doutora Ana Clavería Fontán, líderdo Grupo de Investigación en Servizos de Saúde (I-Saúde) do IIS Galicia Sur, coordina esta participación do IISGS

Vigo, 25 de abril de 2023.- O Instituto de Investigación Sanitaria Galicia Sur participa nun novo proxecto, subvencionado pola Unión Europea, destinado á mellora das habilidades dixitais dos profesionais de atención do cancro en Europa. Digital TRANSition and dIgiTal resIlience in ONcology – TRANSiTION, que é como se denomina este proxecto, permitirá a adquisición de competencias dixitais, tanto a facultativos, coma auxiliares e mesmo pacientes, para as necesidades actuais e futuras que podan xerarse pola integración de novas solucións dixitais no tratamento do cancro.

A estratexia para acadar este obxectivo é mapear o estado actual da capacitación e educación en competencias dixitais e realizar unha análise das necesidades neste ámbito dos profesionais clínicos e non clínicos, coidadores e pacientes, introducindo un enfoque de co-creación que reúna a profesionais de centros clínicos, educativos, asociacións de pacientes, universidades e hospitais incidindo sobre un total de 9.000 persoas en toda Europa. O horizonte de traballo estableceuse entre o 1 de marzo de 2023 e o 28 de febreiro de 2025.

Seguir Lendo

Dec12

O IIS Galicia Sur participa nun ambicioso programa de medicina predictiva para mellorar a saúde da poboación española

Publicado por en Actualidad, Noticias_portada, Uncategorized

• O Programa de Medicina Preditiva da iniciativa IMPaCT incidirá nunha cohorte de 200.000 persoas en toda España e ten como fin analizar a orixe das principais enfermidades que sofre a poboación do noso país

• Eva Poveda, responsable do grupo Viroloxía e Patoxénese, e Ana Clavería, líder do Grupo Servizos de Saúde – ‘I Saúde’, representan ao IIS Galicia Sur na iniciativa 

• Ana Clavería está á fronte do Nodo Galicia Sur, que estudará a un grupo dunhas 4.000 persoas a través dos centros de saúde da zona, tanto do ámbito rural como do urbano

O Instituto de Investigación Sanitaria Galicia Sur (IISGS) integrante da Alianza de Institutos de Investigación Sanitaria acreditados do Instituto de Saúde Carlos III, participa na iniciativa IMPaCT, desenvolta desde esta entidade, na que colabora para levar adiante un ambicioso programa de análise sobre unha cohorte de 200.000 persoas de toda España para coñecer aqueles factores poboacionais, xenómicos, ambientais e da contorna que inciden sobre a súa saúde, podendo determinar mellor desta forma a súa orixe, tratamento e prevención.

No caso de Galicia, a iniciativa está coordinada a través dos institutos de investigación e en representación do IISGS participan Ana Clavería, investigadora responsable do Grupo Servizos de Saúde – ‘I-Saúde’, e a investigadora responsable do Grupo de Viroloxía e Patogénesis – VIP, e da Cohorte COVID-19 do IISGS (COHVID-GS), Eva Poveda, actual directora científica do IIS Galicia Sur.

A doutora Ana Clavería, será a coordinadora deste estudo no seu ámbito de actuación territorial, prevéndose a análise dunha cohorte dunhas 4.000 persoas (12.000, en toda Galicia). Segundo a propia responsable, “é un proxecto a vinte anos e estará centrado en enfermidades cardiovasculares ou respiratorias”.

Trátase dun programa de medicina preditiva que ten por obxectivo, como explica a doutora Clavería, “coñecer o papel dos hábitos, a susceptibilidade xenética e as características específicas da poboación española e da nosa contorna na orixe das principais enfermidades e problemas de saúde”.

O proxecto recompilará información dos participantes a través de cuestionarios, exploracións físicas, probas fisiolóxicas e análises de biomarcadores en mostras biolóxicas, que se realizarán en cada centro de saúde. Os datos estarán dispoñibles para o desenvolvemento doutros proxectos científicos de interese para a sociedade.

O papel da Atención Primaria é esencial neste estudo, no que participarán cincuenta centros de saúde (centros IMPaCT) repartidos por toda España, desde os que se conectará e monitorizará aos participantes, de entre 16 e 79 anos, seleccionados aleatoriamente. Seguir Lendo

Oct06

O Grupo I-Saúde participa na Rede Nacional RICAPPS sobre cronicidade

Publicado por en Actualidad, Noticias_portada

El Grupo I-Saúde del Instituto de Investigación Sanitaria Galicia Sur, liderado por Ana Clavería, participa en la Red de Investigación en Cronicidad, Atención Primaria y Promoción de la Salud (RICAPPS), que acaba de ser constituida al amparo del Instituto de Salud Carlos III.

El objetivo general de la RICAPPS es promover la investigación en red a nivel nacional orientada hacia los resultados de salud en atención primaria, cronicidad y promoción de la salud. El fin es transferir los resultados a la práctica clínica y a las organizaciones de servicios de salud, y garantizar así la mejora de la atención sanitaria para la población.

Subvencionada por la convocatoria del Subprograma RICORS (Redes de Investigación orientadas a Resultados en Salud), dentro de la Acción Estratégica en Salud 2021 del Instituto de Salud Carlos III, RICAPPS está formada por 26 grupos de investigación y 9 grupos clínicos asociados, ubicados en 12 comunidades autónomas.

En este momento la Red tiene activos 14 proyectos nacionales e internacionales con varios objetivos: analizar el impacto de las estrategias de promoción de la salud y prevención primaria con perspectiva de género en el ámbito de la comunidad; evaluar los procesos diagnósticos y terapéuticos de las patologías más frecuentes en la Atención Primaria y promover el co-diseño y desarrollo de intervenciones centradas en el paciente y en la comunidad, para mejorar la alfabetización en salud, incrementar el empoderamiento y la autonomía de los pacientes.

Según explica Clavería, coordinadora de estos proyectos en el Área Sanitaria de Vigo, “estamos muy satisfechos de formar parte de esta Red ya que la participación de nuestra área supone que Vigo está presente en los principales foros investigadores de España”. Sintetiza los proyectos más destacados, “en línea con el impulso a la Salud Digital de la Consellería de Sanidad, estamos liderando un proyecto para analizar datos de historia clínica electrónica con tres comunidades autónomas. En medicina clínica, tenemos en marcha varios planes relacionados con la hipertensión y actividad física; además, próximamente subiremos a Internet una calculadora online para identificar sobrepeso, un proyecto en el que también participaron especialistas en pediatría de este Área Sanitaria”.

Seguir Lendo

Oct28

O IIS Galicia Sur participa nunha investigación para predicir futuros problemas de saúde nas persoas

Publicado por en Actualidad, Noticias_portada

 • O traballo está coordinado polo ISCIII e na Área Sanitaria de Vigo realízase a través do Grupo I- Saúde
• Ten como obxectivo a creación dunha base de datos nacional dunhas 200.000 persoas

Investigación Primaria Clavería

Predicir os problemas de saúde das persoas segundo distintos parámetros, desde factores xenéticos ata demográficos pasando pola súa contorna, traballo, educación ou situación económica.

É o obxectivo da plataforma que está coordinada en Galicia polo Servizo Galego de Saúde (Sergas) a través dos institutos de investigación. En representación do IISGS están Ana Clavería, como persoal de Atención Primaria e coordinadora da área Eficiencia y Calidad en Servicios de Salud, Seguridad del Paciente y Economía de la Salud; e a investigadora senior e responsable do Grupo de Virología y Patogénesis, e da Cohorte COVID-19 do IISGS (COHVID-GS), Eva Poveda.

O estudo atópase na súa fase inicial de deseño que consiste na selección das persoas que entrarían a formar parte dunha base de datos nacional para realizar o seu seguimento durante varios anos e poder predicir así os problemas que poidan ter.

Seguir Lendo

Oct14

O IIS Galicia Sur desenvolve un papel fundamental no crecemento da investigación sanitaria

Publicado por en Actualidad, Noticias_portada

 • Así o suxire o aumento de artigos científicos publicados en revistas nacionais e internacionais nos últimos anos
• Os responsables dos grupos de investigación consideran que as cotas alcanzadas serían inviables sen a achega do IISGSrecorte articulo de investigación

O IIS Galicia Sur desenvolve un papel fundamental no crecemento da investigación sanitaria e biomédica como o demostran, de forma continua, os distintos indicadores. Neste caso trátase dos artigos científicos publicados por investigadores do IISGS en revistas nacionais e internacionais de alto impacto.

Un artigo publicado esta semana recolle os datos que figuran no programa Sophos, posto en marcha pola Consellería de Sanidade no ano 2011 e no inclúense os artigos científicos que publicados anualmente, así como o nivel de impacto de cada un deles.

Os investigadores de distintas especialidades e grupos apuntan a ese rol fundamental que supón o crecemento do IIS Galicia Sur, que dá soporte á maioría das devanditas publicacións.

Un incremento na influencia do Instituto que se consta, sobre todo, nos últimos anos, desde que asumiu a dirección científica do Instituto o doutor José Ramón Fernández Lorenzo, como destaca un dos investigadores principais cuxas declaracións figuran no mencionado artigo xornalístico.

VER NOTICIA

Oct01

O IIS Galicia Sur participa no proxecto nacional e-predictD-Word sobre a depresión nos traballadores

Publicado por en Actualidad, Noticias_portada

 • O obxectivo é previr, mediante unha ferramenta dixital a través dunha app, este tipo de situacións en empregados de empresas
• O ensaio clínico realízase en toda España, conta con financiamento do IS Carlos III e o IISGS pilótao en Galicia
• Está dirixido a apoiar a traballadores con malestar psicolóxico que estean en risco de caer en depresión

App I-Saúde

O Grupo I-Saúde do IIS Galicia Sur participa nun proxecto nacional que pretende previr a depresión derivada dos problemas no traballo. Para iso conta cunha ferramenta dixital a través dunha app denominada e-predictD-work. O grupo investigador do IISGS  coordina os estudos en Galicia, que ten en marcha o proxecto PI18/01531.

O estudo desenvolveuse no Instituto de Investigación Biomédica de Málaga que dirixe o ensaio a nivel nacional. O proxecto está financiado polo Instituto de Salud Carlos III. A responsable do Grupo I- Saúde, Ana Clavería, é a encargada de coordinar os traballos do ensaio clínico a nivel galego. O equipo investigador xa pilotou a posta en marcha da aplicación dixital e comezou a procura de 3.000 persoas que participen no ensaio clínico.

A investigación está dirixida a persoas que presentan malestar psicolóxico e que estean en risco de caer en depresión. A avaliación realízase mediante un cuestionario inicial xa avalado pola experiencia.

O programa é preventivo, gratuíto e anónimo. Ofrece ferramentas para reducir os síntomas iniciais da tensión ou a ansiedade, sempre adaptándose á a situación de cada usuario.

VER NOTICIA

Jul23

Unha investigación do IIS Galicia Sur sobre pacientes con diabetes, publicada nunha revista científica internacional

Publicado por en Actualidad, Noticias_portada

 • O Grupo de I- Saúde interveu no estudo EIRA, no que colaboraron 26 centros de saúde españois de 7 comunidades autónomas
• O proxecto tivo como obxectivo determinar se a corrección de determinados malos hábitos de enfermos con diabetes mellitus contribuía a mellorar o seu estado
• Participaron no ensaio 420 pacientes de toda España e realizouse durante tres anos

Captura-Articulo-I-Saude

Unha investigación do IIS Galicia Sur, a través do Grupo I-Saúde, publicouse no International Journal of Environmental Research and Public Health pola innovación do seu contido así como polos obxectivos expostos cando se iniciou o traballo, fai cinco anos

“Efectividade dunha intervención multicomponente en atención primaria que atende a pacientes con diabetes mellitus con dúas ou máis hábitos pouco saudables, como a dieta, a actividade física ou o tabaquismo: ensaio multicéntrico aleatorizado por grupos dentro do estudo EIRA” (10.3390/ijerph18115788) é o título do traballo no que participaron os membros do IISGS Ana Clavería, Francisco Represas e Sabela Couso-Viana.

No ensaio participaron 26 centros de saúde de 7 comunidades autónomas españolas. Ao longo do tempo que durou analizáronse as variacións de 420 pacientes con idades comprendidas entre 45 e 75 anos, con diabetes mellitus e con a lo menos dous hábitos de vida pouco saudables. Seguir Lendo

Apr09

Un enfermeiro do Grupo I-Saúde consegue o doutoramento pola súa tese sobre diabetes

Publicado por en Actualidad, Noticias_portada

• Trátase dunha investigación nacional na que participaron 700 persoas con diabetes mellitus de 25 centros de saúde de España • Os pacientes participantes tiñan entre 45 e 75 anos e presentaban varias condutas non saudables: non seguir unha alimentación equilibrada, baixo nivel de actividade física e ser fumador. • O obxectivo do estudo era avaliar a efectividade dunha intervención complexa, que incluíu unha abordaxe individual, grupal e tamén a nivel comunitario, para mellorar a saúde destes pacientes

foto-Francisco-Represas-tesisFrancisco Represas, enfermeiro especialista en Enfermería Familiar e Comunitaria do centro de saúde de Val Miñor, e integrante do Grupo de Investigación en Servicios de Saúde (I-Saúde) do IIS Galicia Sur, vén de converterse no terceiro profesional de enfermaría da Área Sanitaria de Vigo en conseguir o doutoramento pola Universidade de Vigo coa cualificación de Sobresaliente cum laude.

A tesis doutoral titulada “Intervención compleja a pacientes con Diabetes Mellitus y múltiples estilos de vida no saludables en Atención Primaria”, foi dirixida pola doutora Ana Clavería Fontán, líder do Grupo I Saúde.

Francisco Represas, que tamén é profesor do Grao en Enfermaría, mostra a súa satisfacción por conseguir este doutoramento xa que axuda a visualizar o potencial transformador da investigación na enfermaría e “pon de manifesto a nosa capacidade para unha investigación de calidade, e a situación privilexiada do noso colectivo para realizar estudos que contribúan a incrementar o nivel dos coidados que prestamos e a mellorar a calidade de vida dos pacientes“.

Este estudo enmárcase dentro do proxecto de investigación de ámbito nacional “ERA” e recibiu financiamento a través de diferentes organismos públicos: Fondos FEDER da Unión Europea, Instituto de Salud Carlos III do Ministerio de Sanidad, Rede Española de Investigación en Actividades Preventivas e Promoción da Saúde ( redIAPP) e tamén do Departamento de Saúde da Generalitat de Cataluña.

Seguir Lendo

Feb08

Dúas investigadoras representarán ao IIS Galicia Sur no macroestudo de medicina preditiva do Instituto de Salud Carlos III

Publicado por en Actualidad, Noticias_portada

• A iniciativa, primeira deste tipo que se realiza en España, establecerá unha cohorte de 200.000 pacientes
 • O proxecto constituirá unha plataforma dispoñible para todos os investigadores do Sistema Nacional de Saúde
 • Baséase na colaboración entre profesionais de Atención Primaria, epidemiólogos e investigadores clínicos e básicos

Imagen-noticia-investigadoras-cibersns-iisgaliciasurDúas investigadoras representarán ao Instituto de Investigación Sanitaria Galicia Sur (IISGS) no macroestudio de Medicina Preditiva que pon en marcha o Instituto de Salud Carlos III. A plataforma, que se realiza a nivel nacional, baséase en estudos preditivos cos datos que acheguen as distintas comunidades autónomas e áreas sanitarias.

A plataforma está coordinada en Galicia polo Servizo Galego de Saúde (Sergas) a través dos institutos de investigación. En representación del IISGS estarán Ana Clavería, como persoal de Atención Primaria e coordinadora da área Eficiencia e Calidade en Servizos de Saúde, Seguridade do Paciente e Economía da Saúde; e a investigadora senior e responsable do Grupo de Viroloxía y Patoxénesis, e da Cohorte COVID-19 do IISGS (COHVID-GS), Eva Poveda.

A cohorte CIBER-SNS estudará casos dunhas 200.000 persoas representativas das distintas zonas de España, “e ten suma importancia xa que será a base para unha infinidade de proxectos futuros, másteres, teses doutorais e novas investigacións; sen dúbida é unha extraordinaria formulación”, explica Clavería. Existe un proxecto similar en Estados Unidos que traballa con ao redor dun millón de persoas.

De feito, o proxecto constituirá unha base sobre a que poderán traballar ou da que poderán beneficiarse todos os investigadores do Sistema Nacional de Saúde.

Seguir Lendo

Visita nuestras redes sociales