Tag: GRUPO ENFERMIDADES RARAS E MEDICINA PEDIÁTRICA

  1. Home
  2. Tag: GRUPO ENFERMIDADES RARAS E MEDICINA PEDIÁTRICA
Jan26

As medidas de protección contra a pandemia reducen ao mínimo as infeccións respiratorias en pacientes pediátricos

Publicado por en Uncategorized

Captura-notica-Mar-Portugues-iisgaliciasur-2

As medidas de protección que se empregan para combater a pandemia da COVID-19 provocaron un descenso inusitado no número de infeccións respiratorias en pacientes en idade pediátrica. Así o consta a xefa de hospitalización do servizo de Pediatría do CHUVI, a doutora Mar Portugués.

A redución chegou ao extremo que, segundo a doutora Portugués, durante o pasado ano, desde que se declarou a pandemia, non se produciu hospitalización algunha de nenos ou nenas afectados de bronquiolitis, unha das infeccións respiratorias máis frecuentes nesa idade. Os ingresos en anos anteriores por bronquiolitis chegaron aos 200 casos.

Do mesmo xeito, constatouse que as urxencias pediátricas reducíronse ata un 40% no mesmo período de tempo. “Nunca na miña carreira profesional hei visto unha situación igual”, explica Mar Portugués, investigadora do Grupo de Enfermidades Raras e Medicina Pediátrica do IIS Galicia Sur.

Jan04

O síntoma máis específico da COVID-19 na poboación infantil é a alteración do olfacto

Publicado por en Actualidad, Noticias_portada

Foto-noticia-alteracion-olfato-covid-pediatria-iisgs

• O servizo de Pediatría do Álvaro Cunqueiro demostrou, nun estudo que ven de publicarse nunha prestixiosa revista científica internacional, que a anosmia ten unha especificidade diagnóstica do 96,7% para a infección Covid
• Este traballo enmárcase nunha investigación máis ampla sobre a afectación do coronavirus nos nenos, a súa clínica diferencial, o seu papel no contaxio intrafamiliar e a eficacia das probas diagnósticas
• Cando un neno presenta anosmia é máis probable que teña Covid (un 96,7%) que outro virus; algo parecido pasa coa alteración do gusto (93,4%) e cefalea (81,5%)
• Outras conclusións do estudo revelan tamén que os menores tiveron un papel reducido na transmisión intrafamiliar e non son supercontaxiadores

O servizo de Pediatría do Hospital Álvaro Cunqueiro ven de realizar unha investigación sobre a afectación da Covid-19 na poboación infantil na que os especialistas demostraron que a alteración do olfacto é o síntoma máis especifico desta infección nos menores. Estas son unhas principais conclusións deste novidoso estudo, que ven de ser publicado nunha prestixiosa revista de gran impacto internacional, a International Journal of Pediatric Otorhinolaryngology, baixo o título de “Subtle olfactory dysfunction after SARS-CoV-2 virus infection in children“.

Este traballo, realizado nos tres primeiros meses da pandemia (de marzo a maio), enmárcase nunha investigación máis ampla sobre a afectación do coronavirus nos nenos, a súa clínica diferencial, o seu papel no contaxio intrafamiliar, e a eficacia das probas diagnósticas. Ademais do equipo de pediatría contouse coa colaboración do servizo de Microbioloxía e coa da especialista en ORL do Complexo de Santiago, Isabel González Guijarro, quen deseñou o test do olfacto.

Así, no estudo participaron 126 pacientes, 33 deles con infección Covid-19 confirmada e cunha idade media de 8,4 anos. En relación coa sintomatoloxía nos menores, o obxecto era identificar os síntomas diferenciais entre a infección por Covid e outras infeccións virais e estacionais comúns nos nenos e nenas.

Segundo a xefa do servizo de Pediatría e responsable do Grupo de Investigación en Enfermedades Raras y Medicina Pediátrica do IIS Galicia Sur,  Ana Concheiro, autora principal da investigación, “a novidade do noso traballo é que ata agora non había estudos comparativos en Pediatría das características clínicas da infección por Covid con outras enfermidades. Existían publicacións que mostraban porcentaxes dos síntomas dos pacientes con Covid, pero non traballos comparativos da especificidade dun determinado síntoma para a infección a Covid fronte á causada por outros virus; é dicir, que síntomas podían ser ou non mais suxestivos da COVID”.

Seguir Lendo

Jul01

O IIS Galicia Sur colócase á vangarda tecnolóxica cun novo microscopio de última xeración

Publicado por en Actualidad, Noticias_portada

●  Abre o período de licitación para a adquisición dun microscopio confocal de súper resolución tras recibir máis de 430.000 euros de financiamento na convocatoria 2019 de Equipamento Científico-Técnico do Ministerio de Ciencia e Innovación

●  Será o único sistema de microscopía destas características de Galicia e permitirá realizar investigacións que agora son imposibles cos microscopios estándares deste tipo

●  A tecnoloxía do aparello proporciona o máximo detalle no estudo de células en vivo e mecanismos moleculares

●  Poderá funcionar a finais de ano e será referencia a nivel nacional para estas investigacións

Os investigadores Susana Teijeira, Saida Ortolano e Roberto Agís-Balboa

O Instituto de Investigación Sanitaria Galicia Sur (IISGS), con sede no Hospital Álvaro Cunqueiro, colocarase na vangarda tecnolóxica coa adquisición do novo microscopio confocal de súper resolución. O aparello supoñerá un importante salto cualitativo nos traballos de investigación do Instituto e será referencia a nivel nacional.

A adquisición deste equipo de última xeración é posible grazas ao financiamento do Ministerio de Ciencia e Innovación a través de Fondos Feder, que cubre o 80% do custo total do equipamento.

A licitación de concurso publicouse xa no Diario Oficial da Unión Europea para que as empresas interesadas no proxecto poidan realizar as súas ofertas antes do próximo 15 de xullo.

De acordo coas previsións, o novo microscopio confocal de súper resolución estará listo para traballar a finais deste ano e será instalado en dependencias do propio Instituto de Investigación Sanitaria. A tal fin, xa está reservada unha sala da área que ocupa o Instituto no Hospital Álvaro Cunqueiro.

O microscopio confocal de súper resolución permitirá observar as células en vivo cun altísimo grao de exactitude, así como os mecanismos moleculares. O equipo estará dotado dun módulo que permite o escaneo rápido das mostras en vivo (desde 28 imaxes por segundo) polo que poderase realizar experimentos que son imposibles de levar a cabo nestes momentos cos microscopios confocales estándares.

Seguir Lendo

Mar09

Unha investigación sobre o descoñecido

Publicado por en Actualidad, Noticias_portada

Captura-noticia-EPoveda-dia-mujer-ciencia-FdV  

Entrevista publicada no Faro de Vigo coa investigadora do IIS Galicia Sur, Saida Ortolano, na que debulla algúns dos avances que se producen nos proxectos que leva a cabo sobre as causas das enfermidades raras, e mais concretamente, sobre o estudo e tratamento da enfermidade de Fabry. Saida Ortolano e o seu equipo de colaboradoras, pertencen ao Grupo de Investigación de Enfermidades raras e medicina Pediátrica do Instituto de Investigación Sanitaria Galicia Sur.

VER NOTICIA

Sep18

As nosas investigadoras e investigadores nos medios: «Peixes mutantes para estudar as enfermidades raras» Diana Valverde, Grupo de Enfermidades Raras e Medicina Pediátrica

Publicado por en Actualidad, Noticias_portada

Captura-noticia-pez-cebra-D-Valverde

A investigadora do IIS Galicia Sur Diana Valverde (Grupo de Enfermidades Raras e Medicina Pediátrica) lidera a investigación dun grupo de especialistas internacionais cuxos resultados confirman a idoneidade do peixe cebra para estudar múltiples modelos biolóxicos, entre eles, para a realización de estudos xenéticos sobre enfermidades raras.

O estudo ven de publicarse na revista Scientific Reports Nature, nun artigo que conta entre os asinantes con outras dúas autoras do IIS Galicia Sur: Sheila Castro e María Álvarez-Satta. Participan ademais investigadores do grupo Aquabic do CSIC de Vigo e o Instituto Pasteur de Uruguay.

GCiencia

 PRENSA
Apr26

As nosas investigadoras e investigadores nos medios: Saida Ortolano «Estudar patoloxías raras da pistas para tratar as comúns»

Publicado por en Actualidad, Noticias_portada

Saida Ortolano, investigadora do Grupo de Investigación en Enfermidades Raras e Medicina Pediátrica do IIS Galicia Sur, impartiu esta semana a conferencia “Enfermedades raras no tan raras. Qué nos dicen y hacia dónde vamos” no Domus de A Coruña, nun evento organizado pola Fundación CorBI. Afirma a Dra. Ortolano que nos atopamos ante un cambio de paradigma que sitúa ás enfermidades raras entre as liñas de prioritaria importancia para o avance biomédico. O seu estudo pode contribuír a comprender mecanismos celulares complexos e atopar dianas terapéuticas para o tratamento de patoloxías mais frecuentes.
Visita nuestras redes sociales