Os traballadores, tanto investigadores como persoal de xestión, do IIS Galicia Sur dispoñen xa dun convenio colectivo específico, do mesmo xeito que os outros dous institutos galegos. O documento asinouse durante un acto que se celebrou en Santiago de Compostela, presidido polo conselleiro de Sanidade, Julio García Comesaña.
Ao acto asistiron os xerentes das distintas áreas sanitarias nas que están encadrados os tres institutos públicos galegos de investigación, representantes dos comités de empresa de cada un deles, e o xerente de ACIS, Antonio Fernández Campa. Os convenios foron asinados por separado. O correspondente ao IISGS foi rubricado polo xerente da área Sanitaria de Vigo, Javier Puente, e pola representante dos traballadores, Paula Cerezo.
O director científico do IISGS, José Ramón Fernández Lorenzo, foi o encargado de intervir no acto en representación das súas outros dous colegas. Tras glosar a importancia da firma dos convenios colectivos dos institutos, “que supón un fito importante na súa traxectoria”, dixo, o doutor Fernández Lorenzo deixou constancia dos transcendental do acordo para consolidar tanto as categorías profesionais como os emolumentos do persoal que traballa nas fundacións e institutos.
Visita nuestras redes sociales