Tag: AS NOSAS INVESTIGADORAS E INVESTIGADORES NOS MEDIOS

  1. Home
  2. Tag: AS NOSAS INVESTIGADORAS E INVESTIGADORES NOS MEDIOS
Feb07

Científicas do IIS Galicia sur desenvolverán actividades en escolas da provincia de Pontevedra co fin de facer visíbel o papel das mulleres na investigación e a ciencia

Publicado por en Actualidad, Noticias_portada, Uncategorized

Unha representación das Investigadoras do IISGS que impartirán as actividades programadas co gallo do 11 de Febriero en diferentes colexios e centros docentes da provincia de Pontevedra

• Con motivo do 11 de Febreiro, Día Internacional da Muller e a Nena na Ciencia, preto de mil nenas e nenos participarán nestas actividades que se celebrarán en escolas e centros educativos da provincia entre o 6 e ó 10 de febreiro

Investigadoras e científicas do Instituto de Investigación Sanitaria Galicia Sur participarán entre os días 6 e 10 de febreiro en diferentes actividades en escolas e centros de ensino da provincia de Pontevedra, co fin de divulgar e sensibilizar ás nenas e nenos sobre o traballo das mulleres que se dedican profesionalmente ás áreas científicas e axudar a crear referentes femininos para a infancia e a mocidade que poidan contribuír á elección destas áreas como futuras carreiras profesionais.

Así, estas actividades consistirán en charlas formativas e mesmo xogos e pequenas experiencias científicas que abrangan, dende facer patente o extenso labor científico e de investigación de mulleres ao longo da historia até compartir a súa experiencia vocacional persoal, pasando por explicar como funciona un centro de investigación e en que consiste o traballo dunha científica.

Seguir Lendo

Jan30

A investigadora do IISGS Saida Ortolano entrevistada en Radio Libertad sobre novas terapias para o tratamento de enfermidades raras

Publicado por en Actualidad, Noticias_portada, Uncategorized

• Na súa opinión: “As asociacións de pacientes nos últimos anos teñen cada vez máis voz para impulsar políticas de implementación da investigación en enfermidades raras”

A investigadora e co-responsable do Grupo de Enfermidades Raras e Medicina Pediátrica do IIS Galicia Sur, e especialista en Diagnóstico e Tratamento de Enfermidades Lisosomales, Saida Ortolano, foi convidada o pasado 24 de xaneiro ao programa Enfermedades Raras que emite Libertad FM, dirixido por Antonio Armas. No devandito espazo, a doutora Ortolano realizou un repaso acerca das últimas tendencias na investigación sobre terapias para o tratamento de enfermidades raras, especialmente sobre enfermidades monogénicas como as enfermidades lisosomales. Así mesmo, Ortolano destacou como “a introdución de técnicas de edición xénica e de secuenciación masiva, favoreceu a implantación de novas ferramentas terapéuticas especialmente útiles para o tratamento das enfermidades raras”.

Doutra banda, Saida Ortolano falou acerca da súa experiencia na procura e aplicación de novos tratamentos para patoloxías como a Enfermidade de Fabri e o emprego de novos vectores de terapia xénica para actuar contra este tipo de enfermidades monoxénicas.

ESCOITAR A ENTREVISTA

Jan26

Especialistas en Enfermidades Inflamatorias Intestinais do IIS Galicia Sur advirten da necesidade dunha alimentación sa e natural para evitar o aumento destes casos na poboación

Publicado por en Actualidad, Noticias_portada, Uncategorized

De esquerda a dereita: Luisa de Castro Parga, Carmen Domínguez Grandal, Raúl Vázquez Valleres y Carlos Spuch Malvar (Foto: Faro de Vigo)

 

• A súa participación nunha conferencia-coloquio organizada polo Club Faro de Vigo serviu para trasladar as principais conclusión da súa investigación sobre esta patoloxía

Alertar do aumento paulatino de casos de EII na poboación e a gran importancia que unha alimentación sa e alonxada de pesticidas e tratamentos químicos ten para a prevención destas enfermidades son algúns dos principais temas tratados polas investigadoras do IISGS Domínguez Grandal e de Castro Parga, así como do investigador Spuch Calvar, na súa participación no coloquio que, baixo o título: Enfermidade Inflamatoria Intestinal. Unha enfermidade emerxente, organizou o Club Faro de Vigo  o 23 de xanaeiro pasado no salón de actos do Museo de Arte Contemporáneo de Vigo-MARCO.

Seguir Lendo

Jan19

Eva Poveda, directora Científica do IISGS, entrevistada pola Asociación de Médicos Galegos (ASOMEGA): “A actividade investigadora é un bo indicador da calidade da asistencia sanitaria”

Publicado por en Actualidad, Noticias_portada

Con motivo da concesión da Insignia de Ouro Asomega ao Instituto de Investigación Sanitaria Galicia Sur, a súa directora Científica. Eva Poveda, foi entrevistada pola devandita asociación.

Nos seus comentarios, Poveda destaca “A acreditación por parte do ISCIIIS, que nos sitúa na elite da investigación biomédica a nivel nacional para afrontar os grandes retos en saúde”, e lembra, así mesmo, que: “somos unha institución moi comprometida coa investigación e innovación responsables”.

Doutra banda, nesta entrevista Eva Poveda afirma que: “Estamos a traballar por promover unha ciencia moito máis aberta, unha ciencia inclusiva que teña en conta as inquietudes e as expectativas da sociedade”, e lembra que “A actividade investigadora é un bo indicador da calidade da asistencia sanitaria”; polo que é “moi importante reforzar e potenciar o perfil clínico investigador”. Iso precisamente está recollido dentro dos grandes obxectivos do noso plan estratéxico 2022-2026”.

VER NOTICIA

Seguir Lendo

Jan19

Indhira Pérez Medrano, do Grupo Hepatoloxía – Enfermidades Inflamatorias Intestinaís, coautora dun estudio sobre Hepatoloxía Autoinmune publicado en Hepatology

Publicado por en Actualidad, Noticias_portada

 

A doutora Indhira Pérez Medrano, hepatóloga do Servizo de Dixestivo do CHUP e investigadora do Grupo Hepatoloxía – Enfermidades Inflamatorias Intestinais do Instituto de Investigación Sanitaria Galicia Sur, ,e a terceira asinante dun estudio publicado na prestixiosa revista científica internacional Hepatology que esclarece cal é o mellor abordaxe do  brote inicial da hepatite autoinmune. Este trabajll, no que participan centros de toda España, acaba de ser publicado en versión dixital tras un proceso de revisión exhaustiva de cerca de dous anos.

 

VER NOVAS

Dec16

A doutora Celia Miralles, do Grupo de Investigación en Enfermidades Infecciosas, premio GeSIDA pola súa traxectoria exemplar

Publicado por en Actualidad, Noticias_portada, Uncategorized

• O premio á súa carreira neste eido fai unha especial mención ao seu traballo con mulleres xestantes con VIH

• Miralles, é tamén coordinadora médica no programa “She” con mulleres que conviven có VIH en dezaseis países europeos

Con motivo do Día mundial da SIDA celebrado o 1 de decembro pasado, o Grupo de Estudio para el SIDA (GeSIDA) concedeu o seu premio anual á doutora Celia Miralles, da Unidade de VIH do Álvaro Cunqueiro e investigadora do Grupo de Investigación en Enfermidades Infecciosas, do Instituto de Investigación Sanitaria Galicia Sur, pola súa “traxectoria exemplar, e modelo para os especialistas que se incorporan ao ámbito da atención do VIH”.

O galardón foi outorgado no último congreso de GeSIDA (Grupo de Estudio para el SIDA) en recoñecemento a toda a súa traxectoria profesional, destacando especialmente o seu papel pro activo ao longo da súa carreira neste campo, sobre todo na abordaxe do VIH na muller.

Cabe subliñar o seu papel como coordinadora médica de 16 países europeos no programa “She” con mulleres con VIH positivas.

.

VER NOVA

Dec12

O IIS Galicia Sur investiga a presenza de proteínas no leite materno relacionadas co neurodesenvolvemento

Publicado por en Actualidad, Noticias_portada, Uncategorized

• Investigadores do Instituto analizan o papel do seu contido xenético e o de certas proteínas que poderían estar relacionadas na formación do sistema nervioso humano

• O estudo desenvólvese no marco da tese doutoral do investigador Luís Freiría, que presentará o próximo verán

 

Expertos do Grupo de Neurociencia Traslacional do Instituto de Investigación Sanitaria Galicia Sur, analizan o papel do contido xenético do leite materno, así como de certas proteínas que posúe e que poden incidir na formación do sistema nervioso humano. Este traballo, realizado polo biólogo investigador do Grupo de Neurociencia Traslacional Luís Freiría Martínez, e baixo a dirección do neurobiólogo Carlos Spuch Calvar e do psiquiatra Jose Manuel Olivares Díez, desenvólvese no marco da súa tese doutoral, que prevé presentar antes do próximo verán e para a que recibiu unha axuda predoctoral da Axencia Galega de Investigación (GAIN) da Xunta (referencia IN606A-2019/022). Seguir Lendo

Dec12

O IIS Galicia Sur participa nun ambicioso programa de medicina predictiva para mellorar a saúde da poboación española

Publicado por en Actualidad, Noticias_portada, Uncategorized

• O Programa de Medicina Preditiva da iniciativa IMPaCT incidirá nunha cohorte de 200.000 persoas en toda España e ten como fin analizar a orixe das principais enfermidades que sofre a poboación do noso país

• Eva Poveda, responsable do grupo Viroloxía e Patoxénese, e Ana Clavería, líder do Grupo Servizos de Saúde – ‘I Saúde’, representan ao IIS Galicia Sur na iniciativa 

• Ana Clavería está á fronte do Nodo Galicia Sur, que estudará a un grupo dunhas 4.000 persoas a través dos centros de saúde da zona, tanto do ámbito rural como do urbano

O Instituto de Investigación Sanitaria Galicia Sur (IISGS) integrante da Alianza de Institutos de Investigación Sanitaria acreditados do Instituto de Saúde Carlos III, participa na iniciativa IMPaCT, desenvolta desde esta entidade, na que colabora para levar adiante un ambicioso programa de análise sobre unha cohorte de 200.000 persoas de toda España para coñecer aqueles factores poboacionais, xenómicos, ambientais e da contorna que inciden sobre a súa saúde, podendo determinar mellor desta forma a súa orixe, tratamento e prevención.

No caso de Galicia, a iniciativa está coordinada a través dos institutos de investigación e en representación do IISGS participan Ana Clavería, investigadora responsable do Grupo Servizos de Saúde – ‘I-Saúde’, e a investigadora responsable do Grupo de Viroloxía e Patogénesis – VIP, e da Cohorte COVID-19 do IISGS (COHVID-GS), Eva Poveda, actual directora científica do IIS Galicia Sur.

A doutora Ana Clavería, será a coordinadora deste estudo no seu ámbito de actuación territorial, prevéndose a análise dunha cohorte dunhas 4.000 persoas (12.000, en toda Galicia). Segundo a propia responsable, “é un proxecto a vinte anos e estará centrado en enfermidades cardiovasculares ou respiratorias”.

Trátase dun programa de medicina preditiva que ten por obxectivo, como explica a doutora Clavería, “coñecer o papel dos hábitos, a susceptibilidade xenética e as características específicas da poboación española e da nosa contorna na orixe das principais enfermidades e problemas de saúde”.

O proxecto recompilará información dos participantes a través de cuestionarios, exploracións físicas, probas fisiolóxicas e análises de biomarcadores en mostras biolóxicas, que se realizarán en cada centro de saúde. Os datos estarán dispoñibles para o desenvolvemento doutros proxectos científicos de interese para a sociedade.

O papel da Atención Primaria é esencial neste estudo, no que participarán cincuenta centros de saúde (centros IMPaCT) repartidos por toda España, desde os que se conectará e monitorizará aos participantes, de entre 16 e 79 anos, seleccionados aleatoriamente. Seguir Lendo

Nov24

O Grupo SING, do Instituto de Investigación Sanitaria Galicia Sur, galardoado nos premios SPIN-OFF PuntoGal

Publicado por en Actualidad, Noticias_portada, Uncategorized

• A súa sólida traxectoria no campo da ciberseguridade e a ampla representación de investigadoras existentes no grupo, aspectos destacados polo xurado destes premios 

• O grupo está formado por investigadores e investigadoras da Escola Superior de Enxeñería Informática da Universidade de Vigo e está tamén integrado no CINBIO

O grupo de Sistemas Informáticos de Nova Xeración (SING), do Instituto de Investigación Sanitaria Galicia Sur, foi galardoado nos VI Premios Spin-Off PuntoGal na categoría de Grupos de Investigación, ao apreciar o xurado desta convocatoria “unha sólida traxectoria no campo da investigación biomédica e na ciberseguridade, distinguíndose por ter unha ampla representación de mulleres no seu corpo de investigadores”.

O investigador responsable do grupo SING, Florentino Fernández Riverola, agradeceu este premio que “para nós supón un recoñecemento moi importante ao labor de investigación e transferencia que estamos a facer desde hai anos. As candidaturas que se presentaron este ano a esta convocatoria na categoría de Grupos de Investigación eran todas moi potentes, polo que ser galardoados ten para nós un maior valor”.

O grupo SING,, está formado por investigadoras e investigadores sénior da Escola Superior de Enxeñería Informática da Universidade de Vigo, ao que se suman investigadores pre e post doutorais.

“Este recoñecemento —engadiu Fernandez Riverola— non é só para o persoal do noso grupo, se non tamén para os nosos colaboradores habituais dos centros que formamos parte, que son o Centro de Investigacións Biomédicas (CINBIO) da Universidade de Vigo, e o Instituto de Investigación Sanitaria Galicia Sur (IISGS), que foi recentemente acreditado polo Instituto Salud Carlos III”.

O galardón foi recollido en nome do SING polo seu investigador Hugo López Fernández.

VER NOVA

Nov14

Sofía Suárez, investigadora do Grupo DSN do IIS Galicia Sur, galardoada polo Colexio Oficial de Enxeñeiros Industriais de Vigo

Publicado por en Actualidad, Noticias_portada, Uncategorized

• O seu traballo acerca de modelos finitos de comportamento de prótese valvulares biolóxicas abre unha nova posibilidade acerca de prever o comportamento e lonxevidade das próteses de válvulas aórticas

A enxeñeira Sofía Suárez García, investigadora pre doutoral do grupo de Deseño e Simulación Numérica – DSN do Instituto de Investigación Sanitaria Galicia Sur foi premiada na “VI Gala dá Enxeñaría Industrial” polo Ilustre Colexio Oficial de Enxeñeiros Industriais de Vigo, na modalidade de Traballo Fin de Máster, polo seu traballo: Simulación FEM do comportamento de prótese valvulares biolóxicas empregadas no proceso de implantación valvular aórtica transcatéter (TAVI) que desenvolve nesta institución.

O devandito TFM estivo dirixido por  os investigadores do IIS Galicia Sur, César Veiga García, do Grupo de Investigación Cardiovascular e José Ángel López Campos, tamén do de Deseño e Simulación Numérica – DSN da Universidade de Vigo e o IIS Galicia Sur.

O mencionado traballo consiste en prever o comportamento das próteses biolóxicas que se implantan en pacientes que sofren estreitamento na súa válvula aórtica co obxectivo de mellorar o seu deseño e favorecer a toma de decisións médicas. Estas bioprótesis están fabricadas na súa ampla maioría por tecido procedente do pericardio de orixe bovina ou porcina compostos por fibras de coláxeno e que poden estar dispostas en dirección circunferencial, axial ou, mesmo, mixta. Estas válvulas, o longo do tempo, poden sufrir danos, desgaste ou fatiga. Por iso, o traballo da investigadora consiste en programar un modelo de elementos finitos que reproduce este desgaste, demostrando que a direccionalidade dos tecidos é de suma importancia no comportamento das próteses. Seguir Lendo

Visita nuestras redes sociales