Reportaxe sobre o Grupo SING do IISGS: “Informáticos con vocación social”

PolyDeep: Sistema intelixente de detección e clasificación en tempo real de lesións colorrectais mediante deep learning é un proxecto financiado pola convocatoria de proxectos de I+D+I do Programa Estatal de Investigación, Desenvolvemento e Innovación Orientada aos Retos da Sociedade do MINECO, cuxo obxectivo é xerar un sistema informático capaz de realizar a detección e clasificación das lesións colorrectais, dando apoio en tempo real ao endoscopista para a visualización dos pólipos de colon e para a toma de decisións terapéuticas sobre as mesmas.

Proxecto realizado en colaboración co Servizo de Medicina Preventiva do Complexo Hospitalario Universitario de Ourense (CHUO), dirixido pola Dra. Berta Uriel, e a Fundación Biomédica Galicia Sur, para a detección das infeccións nosocomiais (aquelas que se adquiren no ámbito hospitalario, pero que non están relacionadas coa patoloxía de ingreso). O obxectivo deste proxecto é o desenvolvemento dun sistema intelixente capaz de identificar posibles casos de infección partindo de datos proporcionados dende as bases de datos de Farmacia e Microbioloxía. Nunha segunda fase, búscase que o sistema realice un diagnóstico intelixente, para o cal busca una serie de datos en bases de Enfermaría, Laboratorio, Radioloxía e Clínica. Finalmente, proporciona esta información ao médico, e este decide se se trata dunha infección nosocomial.

A aplicación PANDRUGS axuda a atopar o mellor tratamento farmacolóxico para o paciente con cancro. Proporciona unha plataforma bioinformática que prioriza os tratamentos anticanceríxenos segundo os datos xenómicos do tumor. Integra 24 bases de datos e se engloba dentro do que se coñece como medicina personalizada. É una iniciativa realizada en colaboración co Centro Nacional de Investigacións Oncolóxicas (CNIO). 

Jose Ramón Méndez é especialista en seguridade informática. Continuando a liña  da súa tese doutoral, na actualidade traballa no desenvolvemento dun filtro de spam que “entenda de temáticas”, no que ousuario poda axudar a clasificar aquelas que son do seu interés. O proxecto realízase en colaboración coa Universidade de Mondragón, e o obxectivo é xerar un modelo para 2019 que poda ser transferido á industria.