O crecemento das probas masivas do Proxecto Pooling do IIS Galicia Sur que se realiza no laboratorio de Microbioloxía e que xestiona a Fundación Biomédica Galicia Sur, é imparable.
Desde que comezou a funcionar, de forma masiva, realizáronse xa preto de 180.000 probas, tanto a traballadores de empresas como a usuarios e empregados das residencias de maiores galegas.
De feito, xa utilizan ou usaron este sistema de cribado mediante recollida de saliva 78 grandes empresas da área sur galega. Ademais, se cribaron 407 residencias e fogares de maiores situadas en toda a xeografía galega.
O proceso de expansión do proxecto de investigación seguirá o seu curso nos próximos meses, a fin de detectar asintomáticos que poidan transmitir a Covid-19.
A efectividade de detección de positivos mediante o Proxecto Pooling é moi alta. Unha vez detectado un posible positivo, realízaselle unha PCR nasofarínguea para confirmar o caso. Case o 99% dos diagnósticos definitivos coinciden coa detección realizada previamente no Pooling.
Visita nuestras redes sociales