• Os investigadores do IISGS Eva Poveda e Ángel Salgado expuxeron ante os futuros especialistas as vantaxes do Instituto e a proxección nacional e internacional dos seus traballos 
O Instituto de Investigación Sanitaria Galicia Sur foi o polo de atracción da investigación durante o acto de portas abertas que organizou a Área Sanitaria de Vigo para “recrutar” aos recentemente graduados en disciplinas sanitarias.
Os investigadores Eva Poveda, responsable do Grupo de Viroloxía y Patoxénesis, e Ángel Salgado, da Unidade de Metodoloxía e Estatística, falaron da importancia da investigación, e máis na actualidade, e sobre o interesante que é formarse nas distintas técnicas xa desde a etapa da súa residencia.
O IISGS dispón na actualidade de moi boas instalacións e de excelentes profesionais (algúns deles de recoñecido prestixio nacional e internacional) que poden servir de base formativa para os futuros profesionais sanitarios que agora inician os estudos para converterse en especialistas.
A importancia que teñen na actualidade proxectos e investigacións que se realizan no Instituto supón, sen dúbida, un aliciente máis nun momento tan decisivo para os recentemente graduados en materias sanitarias como é a elección do centro no que se formarán como especialistas.
Visita nuestras redes sociales