• O programa permitirá a adquisición de competencias dixitais para as necesidades actuais e futuras derivadas da integración de novas solucións no tratamento do cancro
• O orzamento total é de 2,3 millóns de euros achegados pola Comisión Europea mediante o Programa EU4 Health
• A doutora Ana Clavería Fontán, líderdo Grupo de Investigación en Servizos de Saúde (I-Saúde) do IIS Galicia Sur, coordina esta participación do IISGS
Vigo, 25 de abril de 2023.- O Instituto de Investigación Sanitaria Galicia Sur participa nun novo proxecto, subvencionado pola Unión Europea, destinado á mellora das habilidades dixitais dos profesionais de atención do cancro en Europa. Digital TRANSition and dIgiTal resIlience in ONcology – TRANSiTION, que é como se denomina este proxecto, permitirá a adquisición de competencias dixitais, tanto a facultativos, coma auxiliares e mesmo pacientes, para as necesidades actuais e futuras que podan xerarse pola integración de novas solucións dixitais no tratamento do cancro.
A estratexia para acadar este obxectivo é mapear o estado actual da capacitación e educación en competencias dixitais e realizar unha análise das necesidades neste ámbito dos profesionais clínicos e non clínicos, coidadores e pacientes, introducindo un enfoque de co-creación que reúna a profesionais de centros clínicos, educativos, asociacións de pacientes, universidades e hospitais incidindo sobre un total de 9.000 persoas en toda Europa. O horizonte de traballo estableceuse entre o 1 de marzo de 2023 e o 28 de febreiro de 2025.
Participación galega
Para o seu desenvolvemento, TRANSiTION reúne a un consorcio interdisciplinario de 27 socios de 15 estados membros cunha ampla experiencia no desenvolvemento, avaliación e a implementación con éxito de programas de capacitación e desenvolvemento profesional continuo en saúde. O orzamento total é de 2,3 millóns de euros achegados pola Unión Europea, a través o Programa EU4 Health.. No caso de Galicia, participa o IIS Galicia Sur, a través do SERGAS e da Fundación Biomédica Galicia Sur, cun orzamento total de 141.170 euros.
A participación galega neste proxecto virá da man do Grupo de Investigación en Servizos de Saúde (I-Saúde), do IIS Galicia Sur, liderado pola doutora Ana Clavería Fontán, do Gabinete Técnico de Atención Primaria da Área Sanitaria de Vigo; que colaborará na análise da situación actual e desafíos futuros, a análise das necesidades e requisitos dos usuarios finais, deseño dos módulos formativos e avaliación, e difusión e comunicación.
Metodoloxía
TRANSiTION céntrase na creación dun programa de educación e formación de vangarda para profesionais sanitarios e non clínicos que permitirá a adquisición de habilidades e competencias dixitais para las necesidades actuais e vindeiras. Para lograr este obxectivo, o primeiro paso que dará consiste nun mapeo rigoroso do estado actual da capacitación e educación de habilidades dixitais en toda Europa, e se complementará coa análise das necesidades dos profesionais da saúde, os profesionais non clínicos, pacientes e os e as coidadoras.
De seguido, TRANSiTION introducirá un enfoque innovador para practicar habilidades dixitais a través de actividades de aprendizaxe (resolución de problemas, traballo en equipo, comunicación, etcétera…) empregando as TIC como potenciadoras. Desta forma, espérase que o programa fomente a mellora das habilidades e a reciclaxe no contexto das solucións de saúde dixitais. Tamén, apoiará unha transición rápida cara modelos de saúde máis efectivos e centrados no/na paciente.
As áreas de enfoque poderán incluír os usos actuais e futuros da telemedicina, as aplicacións móbiles de saúde e/ou a mensaxería automática aos e ás pacientes. O proxecto tamén axudará a identificar posibles recursos dixitais novos e inexplorados que poderían introducirse para mellorar a eficiencia e a eficacia da práctica do tratamento do cancro.
A fase final deste proxecto TRANSiTION consistirá en avaliar o impacto do proxecto e como podería expandirse en Europa co apoio de colectivos, asociacións de pacientes e socios privados.
SOCIOS DO PROGRAMA TRANSITION: – EUROPEAN CANCER PATIENT COALITION (ECPC), Bélxica; – EUROPEAN ONCOLOGY NURSING SOCIETY (EONS), Bélxica; – SERVIZO GALEGO DE SAUDE (SERGAS), España; – EUROPEAN CANCER ORGANISATION (E.C.O.), Bélxica; – SVEUCILISTE JOSIPA JURJA STROSSMAYERA U OSIJEKU MEDICINSKI FAKULTET OS IJEK (MEFOS), Croacia; – KLINICKI BOLNICKI CENTAR SPLIT (KBC SPLIT), Croacia; – PADAGOGISCHE HOCHSCHULE HEIDELBERG (PHHD), Alemaña; – ASSOCIACAO DE INVESTIGACAO DE CUIDADOS DE SUPORTE EM ONCOLOGIA (AICSO), Portugal; – MITROPOLITIKO COLLEGE ANONYMI EKPAIDEYTIKI ETAIRIA (MITROPOLITIKO), Grecia; – LINAC-PET SCAN OPCO LIMITED (GOC), Chipre; – NACIONALINIS VEZIO INSTITUTAS (NCI), Lituania; – PCG POLSKA SP (ZOO) (PCG Polska), Polonia; – UNIVERSITAETSKLINIKUM FREIBURG (UKLFR), Alemaña; – VSI SMART HEALTH DIH (Health DIH), Lituania; – INSTITUTUL ONCOLOGIC PROF DR ION CHIRICUTA CLUJ-NAPOCA (IOCN), Romanía; – ISTITUTO EUROPEO DI ONCOLOGIA SRL (IEO), Italia; – EUROPEAN HEALTH MANAGEMENT ASSOCIATION (EHMA), Bélxica; – UNIVERSITE DE BRETAGNE OCCIDENTALE (UBO), Francia; – UNIVERSITATEA DE MEDICINA SI FARMACIE CAROL DAVILA DIN BUCURESTI (UMFCD Bucharest), Romanía; – WELLICS EFARMOGES EREVNAS KAI PLIROFORIKIS MONOPROSOPI I.K.E. (WELLICS), Grecia, – FUNDACIO PER A LA UNIVERSITAT OBERTA DE CATALUNYA (FUOC), España – BULGARIAN GENERAL PRACTICE SOCIETY FOR RESEARCH AND EDUCATION (BGPSRE), Bulgaria – UNIVERZA V MARIBORU (UM), Eslovenia – INSTITUT CATALA D’ONCOLOGIA (ICO), España
 |
“Funded by the European Union. Views and opinions expressed are however those of the author(s) only and do not necessarily reflect those of the European Union or European Health and Digital Executive Agency (HADEA). Neither the European Union nor the granting authority can be held responsible for them.”
“Financiado pola Unión Europea. Non obstante, os puntos de vista e opinións expresadas son exclusivamente dos autores e non necesariamente reflicten as da Unión Europea ou da Axencia Executiva Europea de Saúde e Dixital (HADEA). Nin a Unión Europea nin a autoridade concedente poden ser responsables delas.” |
Visita nuestras redes sociales