O curso “Novos Retos na Infección por VIH” reúne en Vigo a expertos nacionais e internacionais no ámbito da infección por VIH

O Curso Novos Retos na Infección por VIH, organizado polos Drs. Eva Poveda (Grupo VIP) e Manuel Crespo (Grupo GEINF) do IIS Galicia Sur celebrouse onte e antonte no Hospital Álvaro Cunqueiro de Vigo. O programa desenvolveuse durante dúas tardes, nas que expertos nacionais e internacionais do ámbito da infección por VIH reuníronse para coñecer a situación actual da epidemia e os retos que quedan por afrontar para o tratamento desta epidemia.

O curso estaba dirixido a profesionais sanitarios, persoal de investigación e a calquera persoa interesada en coñecer mais sobre esta patoloxía.

A conferencia de apertura, “Retos en VIH” foi impartida polo Dr Michael M Lederman, da Case Western Reserve University de Ohio (EE.UU.) un dos maiores expertos a nivel mundial sobre a infección por VIH.

O acto inaugural contou con la presenza do Conselleiro de Sanidade, Jesús Vázquez Almuiña, o Xerente da EOXI de Vigo, Félix Rubial Bernárdez, e os organizadores do curso, Eva Poveda e Manuel Crespo.

O programa organizouse en dúas sesións: a xornada do luns, adeicouse á investigación básica en infección por VIH. Tratáronse temas coma a aplicación dos inhibidores de tirosina kinasas á infección por VIH, o papel das vesículas extracelulares na patoxénese da infección, a co-infección HIV e citomegalovirus, e anticorpos e vacinas preventivas. Participaron os Dres. Maite Coiras (Centro Nacional de Microbioloxía, ISCIII), Eva Poveda (IISGS), Michael Freeman (Case Western Reserve University, Cleveland, Ohio), Pepe Alcamí (Ud. de Inmunopatoxenia SIDA e Coordinador da Rede de Investigación en Sida, ISCIII) e moderaron os Drs. Mª José Buzón (VHIR, Barcelona), Ezequiel Ruiz-Mateos (IBIS, Sevilla) e África González (CINBIO, IISGS). Na segunda sesión do martes, adicada a aspectos clínico-epidemiolóxicos na infección por VIH, debatéronse os retos en prevención, diagnose e tratamento, as resistencias basais ao virus, as vacinas terapéuticas e o impacto da macrobiota na inflamación crónica e a activación inmune. Contouse coas intervencións dos Drs. Asunción Díaz (Centro Nacional de Epidemioloxía, ISCIII), Arkaitz imaz (IDIBELL, Barcelona), Federico García (ibs.GRANADA), Felipe García (IDIBAPS, Barcelona), Sergio Serrano (IRYCIS, Madrid), Julia García (IrsiCaixa, Barcelona) e os Drs. Celia Miralles, Luis Morano, Eva Poveda e Manel Crespo (IIS Galicia Sur) na moderación das mesas.