O Instituto de Investigación Sanitaria Galicia Sur e a USC patentaron un kit para realizar un diagnóstico temperán e moi temperán da artrite reumatoide, o que permitirá comezar o tratamento precozmente e mellorar así o prognóstico destes pacientes. O IP do proxecto é o Dr. Jose Maria Pego, reumatólogo do CHUVI e investigador responsable do Grupo IRIDIS (Reumatoloxía e Enfermidades Inmuno-Mediadas), en colaboración con Óscar Cordero (USC), e Rubén Varela Calviño (CHU de Santiago). A idea xurdiu dun estudo publicado en 2015 na prestixiosa revista PLOS ONE, no que descubriron que o 80% dos pacientes con artrite reumatoide tiñan anticorpos anti CD-26, que plantean usar coma biomarcadores para detectar a enfermidade nas súas fases mais temperás. O resultado protexeuse mediante patente para poder levalo ao mercado tras una fase de validación que desenvolverán nos próximos dous meses.
Visita nuestras redes sociales