A aplicación informática Pharmasuite, desenvolvida polo Complexo Hospitalario de Pontevedra, premiada como solución innovadora en Farmacia Hospitalaria

Rovi acaba de anunciar os proxectos seleccionados polo comité avaliador da primeira edición dos “Premios Rovi al Desarrollo de la Farmacia Hospitalaria”. Estes galardóns, que contan co el aval da Sociedade Española de Farmacia Hospitalaria (SEFH), recoñecen as solucións innovadoras promovidas en favor da saúde.

O Hospital Universitario de Pontevedra foi premiado pola aplicación informática Pharmasuite, que permite xestionar integralmente a farmacotecnia e elaboración de medicamentos para doentes con procesos agudos ou crónicos. Con esta aplicación “garántese a trazabilidade de todo o proceso de elaboración, dende el rexistro e validación da materia prima, ata a validación e control da calidade do produto acabado”, explica Carlos Crespo, xefe do Servizo de Farmacia do Complexo Hospitalario Universitario de Pontevedra e integrante do Grupo TeamNanoTech do Instituto de Investigación Sanitaria Galicia sur.

^{O equipo de Farmacia Hospitalaria do Hospital Universitario de Pontevedra, premiado por ‘Pharmasuite’.}

Esta aplicación ofrece toda a información do proceso de elaboración e control da calidade nun único soporte electrónico no que se inclúe a identificación e grado de responsabilidade do persoal sanitario implicado, os lotes e boletíns de análises de materias primas, os protocolos normalizados de traballo de elaboración, lotes de preparacións, os doentes aos que vai destinada a preparación, así coma los prospectos da preparación ou fórmula a dispensar. Crespo destaca especialmente que esta aplicación permite a “identificación da preparación con etiquetas onde se inclúe código de barras/Data Matrix, a capacidade de realizar unha programación mediante axenda de elaboración, a integración da información co Sistema de Información Hospitalaria e a explotación de datos da actividade xerada na unidade de farmacotecnia e elaboración de medicamentos”.

Outros centros hospitalarios galardoados polos traballos dos seus servizos de farmacia son o Hospital Universitario de Santiago de Compostela —polo desenvolvemento dun hidroxel de cisteamina, que permite mellorar a calidade de nenos con cistinose ocular— e o Consorci Hospitalari de Vic —polo esu proxecto para realizar unha prescrición baseada na atención centrada na persoa.

Mais información

_{Fonte: Redacción Médica}