• Ademais do seu labor clínico e docente, é investigadora principal do Grupo de Uropatoloxía do IIS Galicia Sur
A doutora Elena López Díez da Área Sanitaria de Vigo é a nova presidenta da Sociedade Galega de Uroloxía, un cargo que nunca ocupara unha muller nos máis de 30 anos de actividade que ten a institución en Galicia.
Compaxina o seu traballo clínico e docente coa investigación científica, como investigadora principal do Grupo de Uropatoloxía del IIS Galicia Sur.
A doutora López Díez considera que desenvolver este cargo é unha dobre honra “por ser presidenta da sociedade galega e por ser muller”. Licenciada en Medicina pola Universidade de Santiago de Compostela, realizou a especialidade no antigo Hospital Xeral e, despois de pasar polos hospitais de Ferrol e de Pontevedra, obtivo praza como uróloga no Hospital do Meixoeiro que, por entón, acababa de abrir as súas portas.
Visita nuestras redes sociales