Category: Uncategorized

  1. Home
  2. Uncategorized
Mar23

O IISGS colabora cos institutos de Ensino Secundario na formación de alumnos e alumnas que cursan currículos STEMbach

Publicado por en Uncategorized

Pé de Foto: de esquerda á dereita, Eva Poveda López, directora Científica do IISGS; Carlos Spuch Calvar, investigador do IISGS, Pedro Núñez Seoane, Inés Estévez González, Eva López Tarrío, directora do IES Valadares, e máis Silvia Pascual Fernández e Carmen Boado, titora e coordinadora, ámbalas dúas tamén do IES Valadares de Vigo

 

• A directora Científica do IISGS, Eva Poveda, mostrou a súa satisfacción por esta colaboración que “axuda a espertar vocacións científicas”

• Unha alumna e un alumno de bacharelato do IES Valaderes de Vigo, presentaron hoxe o resultado de dous anos de traballo titorizados polo investigador do IISGS, Carlos Spuch

Vigo, 22 de marzo de 2022. A colaboración existente por parte do Instituto de Investigación Sanitaria Galicia Sur para o fomento das vocacións científicas e tecnolóxicas con centros de ensino secundario que desenvolven currículos STEMbach tivo esta mañá unha nova mostra coa exposición do traballo desenvolvido por Inés Estévez González e Pedro Núñez Seoane do IES Valadares de Vigo, titulado: A Proteómica do Leite Materno.

Previamente a esta exposición, realizada esta mañá no Hospital Álvaro Cunqueiro de Vigo, a directora Científica do IIS Galicia Sur, e membro do tribunal que os avaliaría, Eva Poveda, deulles á benvida ao IISGS, salientando a “oportunidade desta iniciativa do STEMbach para dar a coñecer ás rapazas e rapaces a forma de traballar nunha institución científica, compartir experiencias con investigadoras e investigadores e a excelente oportunidade que este traballo abre cara a espertar vocacións ao alumnado que se atopa a piques de ter que decidir o seus estudos universitarios”. Así mesmo, Eva Poveda agradeceu á directora do IES Valadares e ao resto das docentes que asistiron ao acto “o desenvolvemento desta iniciativa no seu centro, xa que posibilita ás alumnas e alumnos a ver o mundo real que existe tras o bacharelato”

Así, a directora Científica quixo deixar patente que esta vinculación do IISGS co sistema STEMbach supón unha actividade máis de desenvolvemento da investigación e innovación responsables que realiza o Instituto e o seu compromiso co achegamento da ciencia á cidadanía, a divulgación e o fomento de vocacións científicas.

Seguir Lendo

Mar06

O Proxecto ACE, do IISGS, entra próximamente en fase de proba a maior escala

Publicado por en Actualidad, Noticias_portada, Uncategorized

LA PRENSA SE INETERESA POR EL PROYECTO ACE PUBLICANDO VARIOS REPORTAJES SOBRE SU ACTIVIDAD

O investigador principal do grupo, José Manuel Rosendo Fernández. (Foto: Mónica Irago. La Voz de Galicia)

 

O proxecto ACE (Advanced Cutaneous Evaluator) desenvolto polo Grupo Calidade de Vida e Economía da Saúde ‘QoLE’ do Instituto de Investigación Sanitaria Galicia Sur, prevese que entre proximamente nunha fase de comprobación a unha maior escala, co fin de testar a eficacia desta aplicación desenvolvida conxuntamente con Gradiant. Tras estas probas, e unha vez demostrada a súa eficacia, a idea é implementalo a nivel autonómico.

Así o afirma o seu investigador principal, José Manuel Rosendo Fernández, nas reportaxes que publican Faro de Vigo do 6 de marzo e o Diario de Pontevedra do 12 de marzo, e na entrevista realizada en COPE Vigo, o 10 de marzo pasado, Rosendo Fernández, que é ademais supervisor de Procesos e Coidados de Enfermería e responsable da Unidade de Feridas da área Sanitaria de Pontevedra e O Salnés, realiza un repaso desde o inicio do proxecto e avanza a etapa que se iniciará en breve. No proxecto participan tamén os profesionais de enfermería José Antonio Esperón Güimil, María Teresa Loureiro Rodríguez e Ana García Fernández, da mesma área sanitaria.

Seguir Lendo

Mar06

“As enfermidades hepáticas son patoloxías que en ocasións pasan inadvertidas porque non teñen una sintomatoloxía moi acusada”

Publicado por en Actualidad, Noticias_portada, Uncategorized

ENTREVISTA Á DOUTORA PÉREZ MEDRANO (Faro de Vigo, 05-03-2023 Ed. Pontevedra)

• “A colianxite biliar primaria é unha enfermidade máis frecuente nas rexións norte, aínda que chamounos moito a atención o aumento da incidencia en Galicia”, dí a investigadora do IISGS

A doutora Indhira Pérez Medrano, investigadora do Grupo Hepatoloxía – Enfermidades Inflamatorias Intestinais do Instituto de Investigación Sanitaria Galicia Sur, advirte da dificultade á hora de diagnosticar a coliangitis biliar primaria e outras enfermidades hepáticas, xa que “Son patoloxías que en ocasións pasan inadvertidas porque non teñen unha sintomatoloxía moi acusada”. Esta afirmación da investigadora do IISGS, e membro do Servizo de Patoloxía Dixestiva do Complexo Hospitalario de Pontevedra, foi recollida na reportaxe realizada o domingo, 5 de marzo, pola edición de Pontevedra de Faro de Vigo, e no que destaca que o CHOP trata a uns 270 pacientes de enfermidades hepáticas pouco comúns, como son a hepatite autoinmune, a colianxite biliar primaria (CBP) e a colianxite esclerosante primaria (CEP).

Seguir Lendo

Mar01

Finaliza o Proxecto PERSIST no que participou o IIS Galicia Sur 

Publicado por en Actualidad, Noticias_portada, Uncategorized

De esquerda a dereita, José Aguayo Arjona e Beatriz Calderón Cruz, do Grupo de Unidade de Metodoloxía y Estatística, acompañados por Ariadna Mato Montero, coordinadora de Ensaios Clínicos do Grupo de Oncoloxía Dixestiva

 

• Coa colaboración do IISGS, a través da Unidade de Metodoloxía e Estatística, e do Grupo de Oncoloxía Dixestiva da Fundación Biomédica Galicia Sur, presentáronse recentemente os resultados deste proxecto que axuda á detección temperá de recorrencia do cancro

• No proxecto, que contou con financiamento da UE, participaron institucións sanitarias, hospitais e grupos de investigación de España, Bélxica, Eslovenia e Letonia

O proxecto europeo PERSIST, no que participou o Instituto de Investigación Sanitaria Galicia Sur, a Fundación Biomédica Galicia Sur e o SERGAS, chega ao seu fin nestes días, prevéndose que nun futuro próximo esta experiencia poida ser aplicada con éxito na atención a persoas sobreviventes de cancro, a teor do exposto recentemente pola empresa galega Gradiant, coordinadora deste proxecto e que recentemente presentou as súas conclusións preliminares en Madrid.

PERSIST (Patients-centered SurvivorShIp care plan after Cancer treatments based on Big Data and Artificial Intelligence technologies) foi un proxecto europeo financiado polo programa Horizonte 2020 e no que colaboraron máis de 50 expertos do mundo da Saúde, a intelixencia artificial (IA) e o Big Data, entre eles, investigadores do Grupo de Oncoloxía Dixestiva e profesionais da Unidade de Metodoloxía e Estatística do IIS Galicia Sur. O proxecto iniciouse en 2020 e perseguía o desenvolvemento unha plataforma innovadora para apoiar a toma de decisións médicas que melloren a atención dos pacientes sobreviventes de cancro

Para levalo adiante, involucráronse catro hospitais de diferentes países da UE: Bélxica, Letonia, Eslovenia e España; neste último caso, o hospital no que se desenvolveu esta experiencia foi o Complexo Hospitalario de Ourense CHUO. Así mesmo, cada socio clínico incluíu a 40 sobreviventes, 20 pacientes de cancro colorrectal e outros tantos pacientes de cancro de mama (dous casos nos que se dá unha ampla mortalidade), alcanzando un total de 160 pacientes para realizar o estudo clínico.  A elección destes tipos de cancro debeuse á súa incidencia e taxas de supervivencia relativamente altas, o que constitúe unha poboación de sobreviventes cuxo seguimento pode ser susceptible de mellorarse grazas a proxectos coma este.

Seguir Lendo

Feb28

O Instituto de Investigación Sanitaria Galicia Sur colabora na organización dunha xornada no Hospital Montecelo de Pontevedra acerca de avances no tratamento de enfermidades raras 

Publicado por en Actualidad, Noticias_portada, Uncategorized

• Esta xornada desenvólvese con motivo do Día Mundial das Enfermidades Raras, que se celebra desde 2008 o último día de febreiro

• O IIS Galicia Sur conta cunha área de Investigación específica destas patoloxías a través do Grupo de Enfermidades Raras e Medicina Pediátrica 

• Unha nova Unidade no Hospital Álvaro Cunqueiro trata coordinadamente a adultos e menores que sofren este tipo de enfermidades, co fin de detectar precozmente estas patoloxías e facer un seguimento ao longo da vida do paciente 

Con motivo do Día Mundial das Enfermidades Raras, que desde 2008 celébrase o último día de febreiro a iniciativa da Organización Europea para as Enfermidades Raras (EURORDIS), a Fundación Biomédica Galicia Sur e o Instituto de Investigación Sanitaria Galicia Sur, en colaboración co Servizo de Medicina Interna do Complexo Hospitalario Universitario de Pontevedra, organizan hoxe martes, 28 de febreiro, unha Xornada de Actualización en Enfermidades Minoritarias, que se desenvolverá ao longo da tarde no salón de actos do Hospital Montecelo de Pontevedra.

Ditas xornadas contarán coas intervencións de diferentes especialistas neste tipo de enfermidades nas áreas de nefroloxía, cardioloxía, hematoloxía ou neuroloxía, ademais de investigadores do Grupo de Enfermidades Raras e Medicina Pediátrica do Instituto de Investigación Sanitaria de Galicia Sur, como a doutora Saida Ortolano, investigadora que co-dirixe devandito grupo e especialista no diagnóstico e desenvolvemento de tratamentos de enfermidades lisosomales, a cal expoñerá as principais liñas de investigación que se están levando a cabo na actualidade o IIS Galicia Sur neste ámbito e que están a ser presentadas nos principais encontros internacionais sobre enfermidades raras, como foi no recentemente celebrado WORLD Symposium 2023, que tivo lugar a pasada semana en Orlando (Estados Unidos).

Seguir Lendo

Feb14

O IV Simposio Innova-Vigo consolídase como referente nacional e internacional no avance clínico e de investigación en cardioloxía

Publicado por en Actualidad, Noticias_portada, Uncategorized

De esquerda a dereita: César Veiga, investigador senior do Grupo de Investigación Cardiovascular do IISGS, doutor Víctor Jiménez, Eva Poveda, directora científica del IISGS, doutor Andrés Íñiguez, xefe do Departamento de Cardioloxía do CHUVI e doutor Juan Granada, presidente e CEO de la Cardiovascular Research Foundation (EE.UU.) e profesor asociado na Facudade de Medicina da Universidade de Columbia.

 

• Reuniu en Vigo, entre os días 6 e 9 de febreiro, a expertos nesta área da saúde a nivel internacional e puido ser seguido en streaming por todo o mundo

• Eva Poveda, directora científica do IIS Galicia Sur participou nestas xornadas definindo o papel dos institutos de investigación como motores da investigación no ámbito da saúde

 

Organizado polo Servizo de Cardioloxía do Hospital Álvaro Cunqueiro de Vigo, co apoio da Fundación Interhospitalaria de Investigación Cardiovascular (FIC), o Instituto de Investigación Sanitaria Galicia Sur e a Fundación Biomédica Galicia Sur; desenvolveuse en Vigo, entre os días 6 e 9 de febreiro, o IV Simposio INNOVA-VIGO 2023, que reuniu a investigadores e médicos referentes en cardioloxía a nivel nacional e internacional co fin de actualizar o avance no coñecemento da patoloxía cardiovascular e coñecer as innovacións con valor engadido en prevención, diagnóstico, terapéutica farmacolóxica ou intervencionista da devandita patoloxía. Este simposio foi inaugurado polo Conselleiro de Sanidade da Xunta de Galicia, Julio García Comesaña.

Así, ao longo destes cinco días, especialistas en cardioloxía e outros profesionais médicos (españois, suízos, norteamericanos, británicos e de varios países de Latinoamérica) tiveron a oportunidade de coñecer de primeira man os últimos avances neste terreo e, a través das mesas redondas establecidas, poñer en común experiencias e os resultados de proxectos de gran impacto en investigación e innovación nesta área da cardioloxía.

Seguir Lendo

Feb13

Dr. David Olivieri: “O emprego en medicina de sistemas de IA pode proporcionar prediccións máis confiables para axudar na toma de decisións”

Publicado por en Actualidad, Noticias_portada, Uncategorized

Momento da conferencia do doutor David Olivieri organizadas polo IISGS no CHUVI

 Entrevista ao Dr. David Olivieri

David Olivieri é doutor en Física pola Universidade de Massachussets e o Fermi National Accelerator Lab (EE.UU.) e profesor titular no departamento de Informática da Universidade de Vigo. O pasado 26 de xaneiro, visitounos no Instituto de Investigación Sanitaria Galicia Sur para compartir connosco a súa ampla experiencia nun dos temas que hoxe en día causa maior interese: o uso da Intelixencia Artificial na investigación bioquímica. Baixo o título de: Uso de Machine Learning e IA en Problemas Biomédicos: Pasado, presente, futuro próximo, Olivieri realizou un repaso aos avances no últimos quince anos neste ámbito, remontándose ao que él denomina “a prehistoria da IA”, deixando pinceladas do que será o futuro no emprego da IA na biomedicina. Un futuro que, advírtenos, pode ser sorprendente.

Seguir Lendo

Feb09

Eva Poveda, directora científica do IIS Galicia Sur, participa na xornada do ISCIII para visibilizar o liderado feminino na ciencia

Publicado por en Actualidad, Noticias_portada, Uncategorized

Co gallo do Día Internacional da Muller e a Nena na Ciencia, a directora científica do Instituto de Investigación Sanitaria Galicia Sur, Eva Poveda, participou na xornada “Liderazgo da muller: coloquio coas directoras científicas dos Institutos de Investigación Sanitaria (IIS)” organizada desde o Instituto de Saúde Carlos III. Esta xornada divulgativa, na que acudiron 150 estudantes de ESO e Bacharelato, desenvolveuse o xoves día 9 de febreiro no Salón Ernest Lluch do Campus de Chamartín do Instituto e puido seguirse en directo desde a canle de Youtube do ISCIII.

A xornada estivo enfocada a visibilizar o papel de liderado das directoras científicas dos Institutos de Investigación Sanitaria (IIS) acreditados polo ISCIII, co obxectivo de fomentar o interese pola ciencia entre nenas e adolescentes, impulsar a divulgación científica, visibilizar o papel das mulleres, presentar exemplos de liderado científico feminino de referencia e incentivar vocacións científicas investigadoras.

A directora do IIS Galicia Sur respondeu as preguntas que expuxeron as e os estudantes: Como é o voso día a día no traballo? (Min 00:31:10);  Sempre pensaches en dedicar a túa vida á ciencia a pesar das dificultades que iso supón? Algunha vez pensaches en renunciar? (Min 00:44:08); Cumpríronse as vosas expectativas sobre a investigación? (Min 1:11:16)

La directora del IIS Galicia Sur respondió a las preguntas que plantearon las y los estudiantes: ¿Cómo es vuestro día a día en el trabajo? (Min 00:31:10);  ¿Siempre pensaste en dedicar tu vida a la ciencia a pesar de las dificultades que eso supone? ¿Alguna vez pensaste en renunciar? (Min 00:44:08); ¿Se han cumplido vuestras expectativas sobre la investigación? (Min 1:11:16) Seguir Lendo

Feb07

Científicas do IIS Galicia sur desenvolverán actividades en escolas da provincia de Pontevedra co fin de facer visíbel o papel das mulleres na investigación e a ciencia

Publicado por en Actualidad, Noticias_portada, Uncategorized

Unha representación das Investigadoras do IISGS que impartirán as actividades programadas co gallo do 11 de Febriero en diferentes colexios e centros docentes da provincia de Pontevedra

• Con motivo do 11 de Febreiro, Día Internacional da Muller e a Nena na Ciencia, preto de mil nenas e nenos participarán nestas actividades que se celebrarán en escolas e centros educativos da provincia entre o 6 e ó 10 de febreiro

Investigadoras e científicas do Instituto de Investigación Sanitaria Galicia Sur participarán entre os días 6 e 10 de febreiro en diferentes actividades en escolas e centros de ensino da provincia de Pontevedra, co fin de divulgar e sensibilizar ás nenas e nenos sobre o traballo das mulleres que se dedican profesionalmente ás áreas científicas e axudar a crear referentes femininos para a infancia e a mocidade que poidan contribuír á elección destas áreas como futuras carreiras profesionais.

Así, estas actividades consistirán en charlas formativas e mesmo xogos e pequenas experiencias científicas que abrangan, dende facer patente o extenso labor científico e de investigación de mulleres ao longo da historia até compartir a súa experiencia vocacional persoal, pasando por explicar como funciona un centro de investigación e en que consiste o traballo dunha científica.

Seguir Lendo

Visita nuestras redes sociales