VI Xornada de Investigación BioIntegraSaúde 2018

O próximo 29 de maio vaise a celebrar a sexta xornada de ámbito galego, BioIntegraSaúde 2018, co-organizada polo tres institutos: IISGS, INIBIC e IDIS.

Este ano o evento celebrarase no Salón de Actos do Hospital Álvaro Cunqueiro en Vigo e estará aberto a todos os axentes galegos da xeración e transferencia de coñecemento no campo da saúde, que se espera participen activamente presentando as súas liñas e resultados de investigación.

Na xornada porase en práctica a experiencia acumulada polas entidades organizadoras, cun tempo especialmente dedicado á presentación de comunicacións orais e en formato póster, ademais concederanse dous premios ás mellores comunicacións orais e dúas ás mellores comunicacións formato pósteres (un deles reservado para investigadores/as predoutorais).

Tamén, sabendo que non é posible xerar novo coñecemento a partir de pequenos núcleos illados, proponse un tipo de comunicación oral, na que se combine unha breve presentación de liñas e resultados de investigación coa oferta ou a demanda de capacidades. Deste xeito quérese facilitar a identificación de sinerxías entre os grupos presentes procurando a asistencia de empresas privadas que poidan estar interesadas na colaboración, investimento ou adquisición destes servizos ou coñecemento.

Nesta edición teremos a participación dun relator de gran prestixio, o Dr. Ignacio Martínez Mendizábal (Profesor Titular de Universidade Área de Antropoloxía Física, Dpto. de Ciencias da Vida Universidade de Alcalá) Premio Príncipe de Asturias 1997 polos seus achados sobre a evolución do home nos xacementos de Atapuerca e a conferencia inaugural estará a cargo de Dª. Beatriz Allegue Requeijo (Xerente dá Axencia Galega para a Xestión do Coñecemento en Saúde da Consellería de Sanidade – ACIS).

O prazo de presentación de comunicacións finaliza ás 24 horas do día 1 de maio.

A inscrición é gratuíta e o prazo permanecerá aberto ata o 25 de maio. Para inscribirse, é obrigatorio cumprimentar o formulario en liña.